اسلام آباد(آئی ایم ایم)پی پی پی چیئرمین بلاول بھٹو زرداری نے شمالی وزیرستان میں 6 دہشتگردوں کو جہنم واصل کرنے پر سکیورٹی فورسز کو خراج تحسین پیش کیا۔ بلاول بھٹو نے کہا 6 دہشتگردوں کو جہنم واصل اور 6 کو زخمی کرنا ہماری سکیورٹی فورسز کی اہم کامیابی ہے۔دہشتگردوں کے خاتمے کے لیے فورسز کی جاری انٹیلیجنس بیسڈ آپریشنز ہمارے قومی عزم کا عکاس ہیں۔بلاول بھٹو زرداری نے کہا کہ پاکستان پیپلز پارٹی دہشتگردوں سے نبرد آزما سکیورٹی فورسز کی حمایت جاری رکھنے کے لیے پرعزم ہے۔