کراچی (آئی ایم ایم) پاکستان پیپلز پارٹی کے چیئرمین بلاول بھٹو زرداری نے شمالی وزیرستان میں 6 دہشتگردوں کو جہنم واصل کرنے پر سکیورٹی فورسز کو خراج تحسین پیش کیا ہے۔ میڈیا سیل بلاول ہاوَس سے جاری پریس رلیز کے مطابق، پی پی پی چیئرمین نے کہا کہ 6 دہشتگردوں کو جہنم واصل اور 6 کو زخمی کرنا ہماری سکیورٹی فورسز کی اہم کامیابی ہے۔ انہوں نے کہا کہ دہشتگردوں کے خاتمے کے لیے فورسز کی جاری انٹیلیجنس بیسڈ آپریشنز ہمارے قومی عزم کا عکاس ہیں۔ چیئرمین بلاول بھٹو زرداری نے کہا کہ پاکستان پیپلز پارٹی دہشتگردوں سے نبرد آزما سکیورٹی فورسز کی حمایت جاری رکھنے کے لیے پرعزم ہے۔