کراچی(آئی ایم ایم) پاکستان پیپلز پارٹی کے چیئرمین بلاول بھٹو زرداری نے قومی کرکٹ ٹیم کو آسٹریلیا کے خلاف ون ڈے سیریز میں تاریخی کامیابی پر مبارکباد دی ہے۔ میڈیا سیل بلاول ہاوَس سے جاری کردہ پریس رلیز کے مطابق، پی پی پی چیئرمین نے، اپنے تہنیتی پیغام میں، کہا کہ قومی ٹیم کے کھلاڑیوں نے کھیل کا شاندار مظاہرہ کرکے قوم کے دل بھی جیت لیے ہیں۔ انہوں نے مزید کہا کہ امید ہے کہ قومی ٹیم کے کھلاڑی یہ جذبہ و لگن برقرار اور جیت کا تسلسل جاری رکھیں گے۔