گوجرانوالہ( آئی ایم ایم)ممتاز ماہر تعلیم اسلامی مبلغ خلیفہ مجاز آستانہ عالیہ محدث اعظم پاکستان صاحبزادہ پیر محمد ضیاء اللہ قادری نے کہا ہے کہ خلیفہ اول سیدنا صدیق اکبر حق وصداقت کی پہچان اور دین اسلام کے تحفظ کے عظیم سپہ سالار تھے ، سیدنا صدیق اکبر کی دین اسلام اور انسانیت کی خدمت کیلئے لازوال خدمات ہیں آپ کے جذبہ ایثار سے دنیا بھر میں اسلام کا بول بالا ہوا ،خلافت سیدنا صدیق اکبر دنیا میں امن وآشتی کی ضمانت ظلم سے نجات اور مظلوم کو انصاف دلانے کا بہترین نمونہ ہے ،حکمران خلفا راشدین کا طرز حکمرانی اپنالیں تو تمام مسائل سے نجات مل جائیگی ملک ترقی وکا میابی کی جانب گامزن ہوگا ،اہلبیت واصحاب کرام کی عظمت وفضیلت بیان کرنا مسلمانوں کا شعار ہے ،ابوبکر صدیق رضی اللہ عنہ نے سخاوت ،ایثار وقربانی کی جومثالیں قائم کیں ان سے نبی کریم سے محبت کی بے پناہ محبت چھلکتی ہے ،آپ کے دور خلافت میں داخلی وخارجی فتنوں کا قلع قمع ہوا اسلام کو استحکام اور فروغ ملا ،ان خیالات کا اظہار انہوں نے جامع مسجد جامعتہ العمر حنفیہ رضویہ المعروف مسجد مولانا محمد شفیع صاحب والی محلہ اسلام پورہ میں کے تحت یوم سید نا صدیق اکبر کے موقع پر تاجدار صداقت کانفرنس سے خطاب کرتے ہوئے کیا۔
کانفرنس سے حافظ محمد انور،قاری محمد علی صدیقی نے بھی خطاب کیا۔ہ پیر محمد ضیاء اللہ قادری نے کہا کہ سیدنا صدیق اکبر کی سیرت اور دور خلاف پر گامزن ہوکر ہی کامیابی کی منازل کو طے کیا جاسکتا ہے ، ابوبکر صدیق رضی اللہ عنہ نے شریعت کے نفاذ کو قائم کرکے انصاف کی بالادستی قائم کی اور مظلوم کو حقوق مہیا کئے ،سود کا نظام اسلام کے منافی ہے اللہ کے نظام کو قائم کرکے سود کے نظام کا خاتمہ کیا جائے ،ملک کی کامیابی ترقی اور خوشحالی اللہ کے نظام کو قائم کرنے میں ہے ، سیدنا ابو بکر صدیق رضی اللہ عنہ نے امت کو زندگی گذارنے صبر واستقامت کا جو درس دیا رہتی دنیا تک اس کی مثال نہیں ملتی ،کامیاب زندگی گذارنے کیلئے ہمیں سیدنا ابوبکر صدیق رضی اللہ عنہ کی سیرت کو اپناکر آگے بڑھنا ہوگا ۔
