اسلام آباد(نیوز ڈیسک) سابق وزیر اعظم اور بانی پی ٹی آئی عمران خان کی توشہ خانہ کیس میں سزا کا فیصلہ معطل کرنے کی درخواست مسترد کردی گئی۔ عمران خان الیکشن میں حصہ نہیں لےسکیں گے۔

تفصیلا ت کے مطابق توشہ خانہ فوجداری کیس میں اسلام آباد ہائیکورٹ کے چیف جسٹس کی سربراہی میں ڈویژن بینچ نے فیصلہ جاری کر دیا۔

چیف جسٹس عامر فاروق اور جسٹس طارق محمود جہانگیری نے 9 صفحات پر مشتمل فیصلہ جاری کیا ہے جس میں بانی پی ٹی آئی کی توشہ خانہ کیس میں سزا کا فیصلہ معطل کرنے کی درخواست مسترد کردی گئی۔

واضح رہے کہ بانی پی ٹی آئی کی توشہ خانہ کیس میں عدالت نے سزا معطل کر رکھی ہے۔

مزید پڑھیں: عمران خان کا 3 حلقوں سے الیکشن لڑنے کا اعلان

عمران خان نے نا اہلی ختم کرانے کے لیے مکمل فیصلہ معطل کرنے کی استدعا کی تھی۔