اسلام آباد(نیوز ڈیسک) عام انتخابات کے لیے کاغذات نامزدگی جمع کرانے کےآخری روز بھی امیدواروں کی جانب سے دستاویزات جمع کرانے کا سلسلہ جاری ہے۔

الیکشن شیڈول کے مطابق امیدواروں کو کاغذات نامزدگی کے لیے تین دن کا وقت دیا گیا ہے جس کا آج آخری روز ہے جب کہ الیکشن کمیشن سے کئی سیاسی جماعتوں نے کاغذات نامزدگی کے دن بڑھانے کا مطالبہ کیا ہے۔

الیکشن کمیشن سے مسلم لیگ (ن)، جمعیت علمائے اسلام (ف)، متحدہ قومی موومنٹ پاکستان (ایم کیو ایم پی) اور بلوچستان عوامی پارٹی (بی اے پی) نے کاغذات نامزدگی کی تاریخ میں توسیع کا مطالبہ کیا ہے۔

الیکشن کمیشن کے جاری کردہ شیڈول کے مطابق امیدوار 20 سے 22 دسمبر تک اپنے کاغذات نامزدگی جمع کروا سکتے ہیں۔

نجی ٹی وی نے ذرائع کے حوالے سے بتایا کہ الیکشن کمیشن نے سیاسی جماعتوں کے مطالبے پر کاغذات نامزدگی جمع کرانے کی تاریخ میں توسیع کرنے پر غور شروع کر دیاہے۔

مزید پڑھیں: مقبوضہ کشمیر میں بھارتی فوج کے ٹرک پر حملہ، متعدد ہلاکتوں کا خدشہ