نگران وزیراعظم، زرداری، شہباز سمیت دیگر کی تھانے پر دہشتگردانہ حملے کی مذمت

اسلام آباد(نیوز ڈیسک) نگران وزیراعظم انوار الحق کاکڑ، سابق صدر آصف علی زرداری، صدر مسلم لیگ ن شہباز شریف سمیت دیگر شخصیات نے ڈی آئی خان میں پولیس سٹیشن پر دہشتگردانہ حملے کی شدید مذمت کی ہے۔

نگران وزیراعظم انوار الحق کاکڑ نے ڈی آئی خان میں پولیس تھانہ پر دہشتگردوں کے حملے کی مذمت کرتے ہوئے کہا کہ دہشتگردوں کی بزدلانہ کارروائیاں امن و امان کے نفاذ کے حوالے سے ہمارے عزم کو ختم کرنے میں ہمیشہ کی طرح ناکام رہیں گی، پوری قوم پولیس اور سکیورٹی فورسز کے ساتھ کھڑی ہے اور شہداء کو سلام پیش کرتی ہے۔

انوار الحق کاکڑ نے حملے میں شہید ہونے والے پولیس اہلکاروں کی بلندی درجات کی دعا اور ان کے اہل خانہ سے اظہارِ تعزیت کیا۔

نگران وزیراعظم نے دہشت گردوں کا بھرپور مقابلہ کرنے پر پولیس اہلکاروں کو خراج تحسین پیش کیا اور حملے میں زخمی ہونے والوں کو ہر ممکن طبی امداد فراہم کرنے کی ہدایت کی۔

آصف زرداری
سابق صدر آصف علی زرداری نے بھی ڈی آئی خان میں پولیس تھانہ پر دہشتگردوں کے حملے کی مذمت کی اور پولیس اہلکاروں کی شہادت پر اظہار افسوس کیا۔

آصف زرداری کا کہنا تھا کہ دہشتگردوں کے خاتمے کا علاج نیشنل ایکشن پلان پر عمل ہے، دہشتگردی کی نرسریوں کو تباہ کرنے سے امن ہوگا۔

سابق صدر نے شہید پولیس اہلکاروں کے خاندانوں سے ہمدردی اور تعزیت کا اظہار کیا اور زخمی پولیس اہلکاروں کی جلد صحتیابی کیلئے دعا کی۔

شہباز شریف
صدر مسلم لیگ ن شہبازشریف نے دہشتگردوں کے بزدلانہ حملے میں شہید پولیس اہلکاروں کے اہل خانہ کے ساتھ اظہار تعزیت کیا۔

شہباز شریف کا کہنا تھا کہ شہید پولیس اہلکاروں کی وطن عزیز کے خاطر قربانی کو سلام پیش کرتے ہیں، خیبر پختونخوا پولیس نے ہمیشہ دہشتگردوں کا بڑی بہادری سے مقابلہ کیا ہے، ایسے قابل مذمت حملے ان کے امن کے حصول اور وطن عزیز کی سلامتی کیلئے عزم کو مزید پختہ کریں گے۔

نگران وفاقی وزیر داخلہ
نگران وفاقی وزیر داخلہ ڈاکٹر گوہر اعجاز نے ڈیرہ اسماعیل خان میں تھانہ پر دہشت گرد حملے کی مذمت کرتے ہوئے پولیس اہلکاروں کی شہادت پر گہرے دکھ اور افسوس کا اظہار کیا ہے۔

گوہر اعجاز کا کہنا ہے کہ قوم کے بہادر سپوتوں نے ملک و قوم کی حفاظت کیلئے اپنی جان کا نذرانہ پیش کیا، شہدا کو سلام پیش کرتے ہیں اور ان کے بلند درجات کیلئے دعا گو ہیں، شہدا کے اہل خانہ کے غم میں برابر کے شریک ہیں اور زخمی ہونے والے جوانوں کی صحتیابی کیلئے دعاگو ہیں۔

وزیر داخلہ نے کہا کہ پولیس نے دہشت گردی کے خلاف جنگ میں لازوال قربانیاں پیش کی ہیں، سکیورٹی فورسز اور شہریوں پر حملے کرنے والے دہشت گرد کسی رعایت کے مستحق نہیں، پوری قوم دہشت گردی کے خلاف جنگ میں متحد ہے، اس ناسور کو جڑ سے اکھاڑ پھینکیں گے۔

بلاول بھٹو
ادھر چیئرمین پیپلزپارٹی بلاول بھٹو زرداری نے بھی ڈی آئی خان کی تحصیل درابن میں پولیس تھانہ پر دہشتگردوں کے حملے کی مذمت کی اور شہداء کے خاندانوں سے ہمدردی اور تعزیت کا اظہار کیا۔

بلاول بھٹو کا کہنا تھا کہ دہشتگردی کے خاتمے کیلئے سخت اقدامات کر کے ان کی نرسریوں کو تباہ کرنا ہوگا، دہشتگردی کا ناسور ختم کرنے کیلئے نیشنل ایکشن پلان پر عمل کیا جائے، پولیس کے بہادر جوانوں کے قاتلوں کو خون کے ایک قطرہ کا حساب دینا ہوگا۔

کامران ٹیسوری
گورنر سندھ کامران خان ٹیسوری نے پولیس سٹیشن پر دہشت گردوں کے حملہ کی مذمت کرتے ہوئے کہا کہ دہشت گرد ملک میں امن و امان کی صورتحال کو خراب کرنا چاہتے ہیں۔

کامران ٹیسوری کا کہنا تھا کہ دہشتگرد اپنے مذموم مقاصد میں کسی صورت کامیاب نہیں ہوسکتے، قانون نافذ کرنے والے اداروں نے ملک میں امن قائم کرنے کیلئے قیمتی انسانی جانوں کی قربانی دی۔

گورنر سندھ نے کہا کہ شہید پولیس افسران و جوانوں کے درجات کی بلندی کے لئے دعاگو ہوں۔

تازہ ترین

January 17, 2025

پاکستان کے شایان آفریدی نے آئی ٹی ایف ایشیا 14 اور انڈر ڈویلپمنٹ چیمپئن شپ 2025 جیت لی

January 17, 2025

اسپیکر قومی اسمبلی سردار ایاز صادق سے ایرانی سفیر رضا امیری مغدام کی ملاقات

January 16, 2025

وفاقی وزیر رانا تنویر حسین کی ایرانی سفیر سے ملاقات، زرعی تعاون بڑھانے پر گفتگو

January 16, 2025

چینی سرمایہ کاروں کے وفد کا آئی سی سی آئی کا دورہ، پاکستان میں سرمایہ کاری میں اظہار دلچسپی

January 16, 2025

آصف علی زرداری کا خیبر پختونخوا میں آپریشنز میں کامیابی پر فورسز کو خراج تحسین

ویڈیو

December 14, 2023

انیق احمد سےعراقی سفیر حامد عباس لفتہ کی ملاقات، دوطرفہ تعلقات سمیت مختلف شعبوں میں تعاون بڑھانے پر اتفاق

December 8, 2023

اسلام آباد، ورکرز ویلفیئر فنڈز کی جانب سے پریس بریفنگ کااہتمام

October 7, 2023

افتخار درانی کے وکیل کی تحریک انصاف کے رہنما کی بازیابی کے حوالے سے گفتگو

October 7, 2023

افغان وزیرخارجہ کا بلاول بھٹو نے استقبال کیا

October 7, 2023

پشاور میں سینکڑوں افراد بجلی بلوں میں اضافے پر سڑکوں پر نکل آئی

کالم

December 27, 2024

وحشت کے عہد میں،مزاحمت کی علامت

October 14, 2024

شہر میں اک چراغ تھا ، نا رہا

October 11, 2024

“اب کے مار ” تحریر ڈاکٹر عمران آفتاب

October 2, 2024

فیصل کریم کنڈی کہ کاوشوں سے خیبرپختونخوا کی قربانیوں کی عالمی پزیرائی

September 17, 2024

اے ٹی ایم آئی ایس سے نئے امن مشن میں منتقلی کو درپیش چیلنجز ،ایتھوپیا کا نقطہ نظر