نواب شاہ: پیپلزپارٹی کی رہنما آصفہ بھٹو زرداری نے کہا ہے کہ موقع ملا تو کچی آبادیوں کو ریگولائز کریں گے۔

نواب شاہ میں ریلی سے خطاب میں آصفہ بھٹو نے کہا کہ عوام کی فلاح و بہبود کیلئے بے نظیر انکم سپورٹ پروگرام لائے۔

ریلی کے شرکاء سے ایک بار پھر گھروں کا وعدہ کرتے ہوئے انھوں نے کہا کہ آپ ملک میں 30 لاکھ گھر بنانے کیلئے تیر پر مہرلگائیں۔

ان کا کہنا تھا کہ پیپلزپارٹی عوام کیلئے سیاست کرتی ہے، آپ تیر پر نشان لگا کر بلاول کو وزیراعظم بنوائیں۔

آصفہ بھٹو نے کہا کہ پیپلزپارٹی نے ہر مشکل میں عوام کا ساتھ دیا، لیکن سیلاب اورمشکلات کے وقت دیگر جماعتیں کہاں تھیں۔