اسلام آباد(نیوزڈیسک) جماعت اسلامی پاکستان کا حالیہ الیکشن میں دھاندلی کیخلاف دھرنا دینے کا اعلان، نائب امیر جماعت اسلامی لیاقت بلوچ کا کہنا تھا کہ تحریک انصاف کیساتھ تعاون کریں گے نہ ہی خیبرپختونخوا میں تحریک انصاف کیساتھ کسی قسم کا اتحاد کرینگے، پی ٹی آئی کا ساتھ نہ دینے کا فیصلہ مجلس شوریٰ کی مشاورت کےبعد کیا گیا ۔نائب امیر لیاقت بلوچ نے کہا کہ جماعت نے حتمی فیصلہ کیا ہے کہ تحریک انصاف کے ساتھ تعاون نہیں کرینگے، پی ٹی آئی نے وفاقی سطح پر کسی اور جماعت کیساتھ اتحاد کیا، صرف خیبرپختونخوا میں پی ٹی آئی سے اتحاد کا کوئی جواز نہیں بنتا، تحریک انصاف کی قیادت سے دونوں حکومتوں سے متعلق معاملات طے پائے تھے ۔ترجمان جماعت اسلامی قیصر شریف کا کہنا تھاالیکشن نتائج رات کوروک کر بڑے پیمانے پر دھاندلی کی گئی، معاملات کہیں اور سے کنٹرول ہورہے ہیں۔الیکشن دھاندلی پر چیف جسٹس عدالتی کمیشن تشکیل دیں ۔بڑے پیمانے پر دھاندلی کے باوجود الیکشن کمیشن خاموش ہے۔کے پی میں ہمارے امیدواروں کو دھاندلی کے ذریعہ ہرایا گیا۔جماعت اسلامی الیکشن نتائج کے خلاف جمعہ کو اسلام آباد میں دھرنا دےگی۔