اسلام آباد(سٹاف رپورٹر)نیشنل یونیورسٹی آف ماڈرن لینگوئجز (نمل) کے پلیسمنٹ سنٹر کے زیر اہتمام سابق طلباء اور موجودہ سینئر طلباء (آخری سمسٹر)کے لئے ایک جاب فئیرز کا اہتمام کیا، جس میں 80کے قریب ملکی و بین الاقوامی کمپنیوں نے شرکت کی اور ملازمت، انٹرن شپ اور ٹریننگ کے لئے طلباء کے انٹر ویوز کئے، شریک سیکٹرز میں بینکنگ ، پبلک سیکٹر، ڈویلپمنٹ ، سوشل سیکٹر، ایجوکیشن سیکٹر، میڈیا اور ہیلتھ انڈسٹری شامل تھے،ریکٹر نمل میجر جنرل(ر) شاہد محمود کیانی نے جاب فیئر کا افتتاح کیا ۔ اس موقع پر بات چیت کرتے ہوئے ریکٹر نمل نے کہا کہ اس ایونٹ کا مقصد طلباء کو ایسے مواقع مہیا کرنا ہیں جہاں وہ اپنے آپ کو منوا کر اور اپنے ٹیلنٹ کے مطابق لازمت ڈھونڈ سکیں،آج نمل کے سابق طلباء کی کثیر تعداد میں شرکت یونیورسٹی کے لئے اعزاز کی بات ہے اور امید ہے کہ آج بہت سے طلباء اپنے ٹیلنٹ اور قابلیٹ کی بنا پر ملازمتیں حاصل کر سکیں گے۔واضح رہے کہ اس جاب فئیر میں 2000سے زائد طلباء نے شرکت کی ۔