گوجرانوالہ(سٹاف رپورٹر)نئی نسل کی شخصیت سازی اور تربیت کے لئے اساتذہ اور والدین کو اپنی ذمہ داریوں کا ادراک ہونا چاہئے ، طلبا و طالبات کی کامیابی والدین اور اساتذہ کی بدولت ہے ۔ ان دونوں کا بچوں کی کامیابی کیلئے آپس میں رابطہ رکھنا بہت ضروری ہے ۔استاد اور شاگرد کے مابین اعتماد کا باہمی رشتہ حصول علم میں اہم اور بنیادی کردار ادا کرتا ہے والدین کافرض بنتا ہے کہ وہ اپنے زیر تعلیم بچوں کی نصابی سرگرمیوں سے مکمل طور پر آگاہ رہیں اور اساتذہ کے ساتھ رابطہ میں رہیں پیرنٹس ٹیچرز میٹنگ (پی ٹی ایم) کا انعقاد بھی اسی سلسلہ کی ایک کڑی ہے۔ ان خیالات کا اظہاردی ایجوکیٹر زماڈل ٹائون کیمپس کے ڈائریکٹر محمد رضوان بھٹی نے اینول پی ٹی ایم کے موقع پر کیا ۔ انہوں نے بچوں کو تلقین کی کہ وہ اپنی پڑھائی پر بھر پور توجہ دیں پیرنٹس اینڈ ٹیچرز کی میٹنگ کے موقع پر والدین کو طلباء و طالبات کی تعلیمی اور ہم نصابی سرگرمیوں سے آگاہ کیا گیا اور ان کی کارکردگی کی رپورٹس بھی دی گئیں ۔ والدین کی ایک بڑی تعداد نے میٹنگ میں شرکت کی ۔