پشاور(سٹاف رپورٹر)ترجمان سول ایویشن اتھارٹی نے جاری بیان میں کہاہے کہ پشاور کے باچا خان انٹرنیشنل ایئرپورٹ (BKIAP) پر ریمپ سیفٹی آگاہی سیشن اور فارن آبجیکٹ ڈیبریز (ایف او ڈی) واک کا اہتمام کیا گیا۔تقریب میں PCAA افسران، ایئرپورٹ سیکیورٹی فورس (ASF)، ایئر لائنز، اور گراؤنڈ ہینڈلنگ ایجنسیز (GHAs) کے اہلکاروں نےشرکت کی۔سیشن اور واک کا مقصد ریمپ سیفٹی پروٹوکول اور (ایف او ڈی) کے خطرات کی روک تھام کے حوالے سے بیداری کو فروغ دینا تھا۔یہ مشقیں ہوائی اڈے پر حفاظتی اقدامات اور آپریشنل کارکردگی کو بہتر بنانے میں اہم کردار ادا کرتیں ہیں۔