اسلام آباد (سٹاف رپورٹر)پاکستان پیپلز پارٹی پارلیمنٹینزکے سیکرٹری جنرل سید نیئر حسین بخاری نے نیشنل پریس کلب اسلام آباد کے نومنتخب صدر اظہر جتوئی، سیکرٹری نیئر علی، سیکرٹری فنانس وقار عباسی و دیگر عہدیداران کو مبارکباد کے پیغام میں کہا ہے کہ نو منتخب عہدیداران کی کامیابی ووٹرز کے اعتماد کا مظہر ہے۔یونین سازی اور صحافیوں کے حقوق کے تحفظ کیلئے ویج بورڑ کا قیام پیپلز پارٹی کا کارنامہ ہے ۔پیپلز پارٹی جمہوری آزادیوں آزادی اظہار رائے کیساتھ آزاد صحافت پر یقین رکھتی ہے۔ تحریک بحالی جمہوریت میں صحافیوں کی جدوجہد قربانیوں کے معترف ہیںنیئربخاری نے مزید کہا ہے کہ امید ہے نو منتخب عہدیداران آزادی اظہار رائے کے تحفظ اورصحافیوں کے مسائل کے حل کے لیے اہم کردار ادا کریں گے ۔آجر اور ایر کے درمیان بہتر تعلقات کار داروں کی بہتری اور کارکنوں کی فلاح و بہبود کیلئے کاوشیں لازم ہیں۔