اسلام آباد: ترجمان دفترخارجہ ممتاززہرابلوچ نےکہاہےکہ پاکستان نے فلسطین کے ایشو پر او آئی سی میں متحرک کردار ادا کیا ہےفلسطینی عوام کا قتل عام بند ہونا چاہیے۔
تفصیلات کےمطابق ترجمان دفتر خارجہ ممتاز زہرا بلوچ کاہفتہ وار پریس بریفنگ میں کہناتھاکہ اسحاق ڈار نے عہدے کا چارج سنبھال لیا ہے،وزیرخارجہ کو بریفنگز دی گئی ہیں، آنے والے دنوں میں وزیر خارجہ کی مصروفیات کے حوالے سے بریفنگ دیں گے۔
ممتاززہرابلوچ کامزیدکہناتھاکہ غزہ میں ہونے والے مظالم پر تشویش ہےخوراک تقسیم سینٹر پر حملے کی مذمت کرتے ہیں یہ غیر انسانی حرکت ہے ،پاکستان اسرائیلی اقدامات کی مذمت کرتا ہےاقوام متحدہ قابض افواج کے مظالم رکوائےپاکستان کشمیر نیشنل فرنٹ پر بھارتی پابندی کی شدید مذمت کرتاہے،بھارت فوری طور پر کشمیر کی سیاسی جماعتوں سے پابندی ہٹائے ،پاکستان کشمیریوں کی سیاسی،اخلاقی و سفارتی حمایت جاری رکھے گا ۔
ترجمان دفترخارجہ کاکہناتھاکہ پاکستان کے یورپی یونین سے اہم اور وسیع تعلقات ہیں ،جی ایس پی پلس ان تعلقات کا اہم جزو ہےگزشتہ ہفتے دونوں فریقین کے سیاسی مذاکرات کا نواں دور ہوا، دونوں فریق مل کر تمام شعبوں میں کام جاری رکھیں گے۔ پاکستان امریکہ کے ساتھ تعلقات کو اہمیت دیتا ہےامید کرتے ہیں کہ امریکی کانگریس دونوں ممالک کے درمیان تعلقات کے لیے کردار ادا کرتی رہے گی18 دسمبر 2019 کو پاکستان کی قومی اسمبلی نے ایک قرارداد منظور کی ،ہندوتوا کی لہر نے بھارت میں اقلیتوں کو بہت متاثر کیا۔
ممتاززہرابلوچ کامزیدکہناتھاکہ پاکستان نے فلسطین کے ایشو پر او آئی سی میں متحرک کردار ادا کیا ہےفلسطینی عوام کا قتل عام بند ہونا چاہیے،پاکستان نے 11 مارچ کو بھارتی میزائل ٹیسٹ کو نوٹ کیا ہےبھارت نے پاکستان کو میزائل تجربہ سے پہلے آگاہ کیایہ آگاہی معاہدے کے مطابق تین روز قبل نہیں دی گئی ،معاہدے کے مطابق آگاہی دے جانی چاہیے۔
ترجمان دفترخار جہ کاکہناتھاکہ پاکستان اور افغانستان کے درمیان رابطے کے بہت سے چینلز ہیں افغانستان کے ساتھ دہشتگردی سمیت دیگر ایشوز پر بات چیت ہوتی رہتی ہے، دہشتگردوں کی محفوظ پناہ گاہوں سے متعلق بھی بات ہوتی ہے،تمام ممالک سے اچھے تعلقات ہماری خارجہ پالیسی ہیں ،ایشیا پیسفک امن کا خطہ ہونا چاہیےکیا ۔
