گلگت(وسیم بٹ) وائس چانسلر کے آئی یو پروفیسر ڈاکٹر عطااللہ شاہ نے موسمیاتی تبدیلی کے بڑھتے ہوئے اثرات کے تناظر میں یونائیڈ ڈ نیشنل ڈویلپمنٹ پروجیکٹ کے گلاف ٹو پراجیکٹ کو انتہائی اہمیت کا حامل قرار دیتے ہوئے کہاکہ یو این ڈی پی جامعہ قراقرم کا ایک اہم اسٹیک ہولڈر ہے جس نے ہروقت یونیورسٹی اور خطے کی فلاح وبہبود کے لئے بھرپور معاونت فراہم کی ہے۔ان خیالات کا اظہار انہوںنے کے آئی یو اور گلاف ٹو پراجیکٹ کے تحت نئے سال کے لئے پلان شدہ منصوبوں کے بارے میں منعقد اجلاس کی صدار ت کرتے ہوئے کہا۔ شعبہ تعلقات عامہ کے آئی یو مطابق اجلاس میں یو این ڈی پی کی جانب سے صوبائی کوارڈنیٹر عبدالباسط، کمیونیکیشن کوارڈنیٹر و فوکل پرسن برائے کے آئی یو صفدر علی صفدر اور ٹریننگ کوارڈینیٹر ساجدہ رضوان جبکہ کے آئی یو کی جانب سے ڈاکٹر محمد اسماعیل،ڈاکٹرمنظورعلی، ڈاکٹر کرامت، ڈاکٹر آفتاب، ڈاکٹر اسد اللہ، ڈاکٹرظفر خان، ڈاکٹر سجاد اور پروفیسر محمد الیاس نے شرکت کی۔ اجلاس میں یو این ڈی پی گلاف ٹو پراجیکٹ کے تحت رواں سال کے لئے چھ کروڑ سے زائد مالیت کے مختلف منصوبوں جن میں گلیشئرز گرافٹنگ، آئس سٹوپا، ایچ وی آر اے سمیت دیگر ریسرچ اور ڈیولپمنٹ کے منصوبوں پر تفصیلی غور وخوص کیا گیا۔ انہوں نے مزید کہا کہ گلگت بلتستان کے جغرافیائی حساسیت و موسمیاتی تبدیلی کے بڑھتے ہوئے اثرات کے تناظر میں یو این ڈی پی کا گلاف ٹو پراجیکٹ انتہائی اہمیت کا حامل ہے جس کے تحت جاری منصوبوں سے نہ صرف آفات کے خطرات سے دوچار علاقوں کے عوام بلکہ مجموعی طور پر پورے خطے کو موسمیاتی تبدیلی کے اثرات سے نمٹنے میں بھرپور مدد ملے گی۔ انہوں نے یو نیورسٹی کی ٹیم کو ہدایت کی کہ گلاف ٹو پراجیکٹ کے تحت نئے سال کے لئے پلان شدہ منصوبوں پر جامع اور موثر طریقے سے عمل درآمد کو یقینی بنائیں تاکہ زیادہ سے زیادہ لوگوں کو فائدہ پہنچایا جاسکیں۔
وائس چانسلر کے زیر صدارت شعبہ جاتی سربراہان کی اعلیٰ سطحی اجلاس منعقد، سمسٹر بہار 3اپریل 2024سے شروع کرنے کا فیصلہ
وائس چانسلر قراقرم انٹرنیشنل یونیورسٹی پروفیسر ڈاکٹر عطاء اللہ شاہ کے زیر صدارت شعبہ جاتی سربراہان کی اعلیٰ سطحی اجلاس منعقد ہوئی ۔ اجلاس میںنیو سمسٹر شروع کرنے، یونیورسٹی میں کوالٹی ایشورینس سمیت دیگرامور پرسیر حاصل گفتگو کی گئی ۔اجلاس میں فیصلہ کیاگیاکہ 3اپریل 2024سے سمسٹر بہار شروع کرنے کا فیصلہ کیاگیااور اس حوالے سے تمام طلبہ وطالبات کو اپنی حاضری کو یقینی بنانے کی ہدایت کی گئی ۔اجلاس میں وائس چانسلر نے یونیورسٹی کے تمام شعبہ جات میں کوالٹی ایشورینس کو مزید بہتر بنانے کی تاکید کیااور شعبہ جاتی سربراہان کوکوالٹی ایشورینس کو مزید بہتربنانے کے حوالے سے زمہ داریاں بھی سونپی ۔اس سے قبل وائس چانسلر سے یونیورسٹی سینٹ کے نومنتخب سینٹرز ڈاکٹر سجاد علی ، ڈاکٹر افتخار علی اور ڈاکٹر عفت ستارہ نے ملاقات کی ۔ملاقات میں یونیورسٹی کی تعمیروترقی ،تعلیمی تحقیقی امور کے حوالے سے بات چیت کیا گیااور نومنتخب سینٹرز نے جامعہ کی ترقی کے لیے اپنے سطح پر ہر ممکن تعاون فراہم کرنے کے عزم کا اظہار کیا۔