اسلام آباد(سٹاف رپورٹر) اینٹی نارکوٹکس فورس (اےاین ایف ) نے6 مختلف کارروائیوں میں133کلو سے زائد منشیات برآمد کرلی جبکہ 3 ملزمان گرفتار کرلیے گئے۔

اے این ایف ترجمان کے مطابق کارروائیا ں اسلام آباد ایئرپورٹ ، راولپنڈی ،گوادر ، ٹنڈوجام حیدرآباد میں کی گئیں۔

اسلام آباد ایئرپورٹ پر دو کاروائیوں میں شارجہ اور جدہ جانے والے مسافروں سے 1 کلو گرام ہیروئن برآمد،راولپنڈی میں کوریئر آفس میں برطانیہ سے بھیجے گئے دو پارسلز سے 236 گرام ویڈ برآمد، گوادر سے 125 کلو آئس برآمد،ٹنڈوجام حیدرآباد میں ملزم سے 2 کلو افیون اور 5 کلو چرس برآمدکرلیے گئے ۔گرفتار ملزمان کے خلاف انسدادِمنشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔