اسلام آباد(سٹاف رپورٹر)فیڈرل ڈیموکریٹک ریپبلک آف ایتھوپیا اور اسلامی جمہوریہ پاکستان نے ، لاہور، پشاور، کراچی، کوئٹہ، سیالکوٹ اور دیگر شہروں میں ایتھوپیا کےوزیراعظم ابی احمد کے گرین لیگیسی انیشیٹو کو شروع کرنے پر اتفاق کیا۔
اس بات پراتفاق ایتھوپیا کے پاکستان میں سفیر جمال بیکر عبدلا اور وزیر اعظم کی موسمیا تی تبدیلی کی کوارڈینیٹررومینہ خورشید عالم کے درمیان ملاقات میں ہوا۔
سفیر نے گزشتہ سال ایتھوپیا اور پاکستان کے درمیان ماحولیاتی مسائل کے حل کے لیے ایک مشترکہ تعاون میں آغازکے لۓ رومینہ خورشید عالم کے کردار کی تعریف کی۔
انہوں نے اسلام آباد میں پچھلے سال گرین لیگسی منصوبے کا آغاز کرنے کو بھی یاد کیا جس میں سینئر وزراء، حکومتی افسران، ڈپلومیٹک کور، کاروباری برادری، میڈیا اور سول سوسائٹی موجود تھی۔
سفیر نے دونوں ملکوں کے درمیان ماحولیاتی مسائل کے حل کے لیے ٹیکنالوجی، معلومات اور تجربہ کے تبادلہ کی ضرورت پر زور دیا۔
انہوں نے رومینا خوشید عالم کو وزیر اعظم کی کلائمیٹ تبدیلی کی کوارڈینیٹر کے عہدے پرتعینات ہو نےپر مبارکباد دی۔
رومینا خوشید عالم نے اپنے ملک میں مختلف شہروں میں گرین لیگسی منصوبے کے آغاز میں دلچسپی ظاہر کی اور ہر ممکنہ تعاون پر زور دیا۔
انہوں نے کہا کہ ماحولیاتی تبدیلی ایک عالمی مسئلہ ہے اور ماحولیاتی تبدیلی کے خلاف مشترکہ کوششیں حاصل کرنے کی ضرورت ہے۔