اسلام آباد(سٹاف روپورٹر) رکن قومی اسمبلی انجم عقیل خان نےپیپلز پارٹی کے رہنما سید یوسف رضا گیلانی کو بلا مقابلہ چیئرمین سینیٹ منتخب ہونے پر مبارکباددی ہے۔ تفصیلات کے مطابق رکن قومی اسمبلی انجم عقیل خان نے سید یوسف رضا گیلانی کیلئے نیک تمناؤں کا اظہار کرتے ہوئے کہا کہ سید یوسف رضا گیلانی کا بلا مقابلہ چیئرمین سینیٹ منتخب ہونا جمہوریت کی فتح اور قیاس آرائیاں کرنے والوں کے لیے تمانچہ ہے کچھ عناصر پاکستان میں سیاسی عدم استحکام پیدا کرنا چاہتے ہیں چاہے وہ مخصوص نشستوں کا معاملہ ہو یا سینیٹ انتخابات ہوں یا پھر اب چیئرمین سینیٹ کا انتخاب ہو ان کو منہ کی کھانی پڑی ۔پاکستان کو سیاسی عدم استحکام میں دھکیلنے کا مقصد صرف پاکستان کی ترقی کو روکنا ہے۔