اسلام آباد(سٹاف رپورٹر)اسلام آباد شعبہ صحت میں انقلابی اقدامات، وزیراعظم پاکستان کے کوارڈینیٹر برائے صحت امور ڈاکٹر مختار احمد ملک کی زیر صدارت اسلام آباد کے صحت کے منصوبوں اور مسائل کے حل پر خصوصی اجلاس ہوا.
ایم این اے انجم عقیل خان ، ایم این اے راجہ خرم نواز ، ایم این اے ملک ابرار احمد ، چیف کوآرڈینیٹر حلقہ این اے 46 حارث خان گولڑہ , ڈاکٹر موسیٰ خان اور دیگر حکومتی نمائندوں نے شرکت کی.
لوکل سطح پر خصوصا دیہی علاقوں میں بنیادی صحت کے مراکز کو مکمل فعال کرنے اور طبی عملہ تعینات کرنے اور ادویات اور ایمبولینس کی فوری فراہمی کے احکامات جاری ہے.
تمام بنیادی صحت مراکز کو مئی کے آخر میں فعال کر دیا جائے گا.صحت مراکز میں خالی اسامیوں پر بھرتی کے لئے وزارت صحت کو NOC جاری کر دیا گیا.اسلام آباد کے دیہی علاقوں کی عوام کو صحت سہولیات میں پہلی دفعہ تاریخی سہولیات میسر آئیں گی.
پمز ہسپتال میں ایڈیشنل 200 بیڈ جلد مہیا کر کے نیا بلاک کھول دیا جائے گا.پولی کلینک ہسپتال 2 کی تعمیر پر کام جاری ہے.
شاہ اللّٰہ دتہ , ترنول بنیادی مرکز صحت کو اپ گریڈ کر کے کمیونٹی ہیلتھ سنٹر کا درجہ دیا جائے گا اور تمام جدید سہولیات کے ساتھ عوام کے لیے کھولا جائے گا .میرا اکو کمیونٹی ہیلتھ سنٹر ، گولڑہ شریف کو پیرا میڈیکل اسٹاف ، جدید سہولیات کے ساتھ 7/24 بنایا جائے گا .
جھنگی سیداں ، بوکڑہ اور سرائے خربوزہ میں نئے بنیادی مرکز صحت تعمیر کیے جائیں گے .اجلاس میں منتخب اراکین قومی اسمبلی کے علاوہ وزارت صحت کے اعلی حکام، پمز ، پولی کلینک اور فیڈرل جنرل ہسپتال کے ایگزیکٹو ڈائیریکٹرز،DHO اسلام آباد ،وزارت پلاننگ حکام،PWD حکام نے شرکت کی.