اسلام آباد: البرکہ بینک کے گلوبل بورڈ ممبران کے ایک وفد نے حال ہی میں بین الاقوامی اسلامی یونیورسٹی اسلام آباد کے فیصل مسجد کیمپس کا دورہ کیا۔
وفد کا استقبال انچارج پروٹوکول اینڈ پبلک ریلیشنز ناصر فرید نے کیا۔ انہوں نے یونیورسٹی کی خدمات، پروفائل اور اعلیٰ تعلیم کے فروغ میں اس کے کردار کے بارے میں بریفنگ دی۔ وفد کی سربراہی چیئرمین بورڈ البرکہ بینک ڈاکٹر جہاد النکلا نے کی جبکہ وفد میں بینک کے سی ای او و صدر محمد عاطف حنیف اور سربراہ سروس کوالٹی محمد عمر پاشا بھی شریک تھے۔
اپنے دورے کے دوران، وفد مختلف سرگرمیوں میں مصروف رہا جس کا مقصد باہمی تعاون کو فروغ دینا تھا۔ وفد نے اس موقع پر بین الاقوامی اسلامی یونیورسٹی کے ساتھ مل کر ماحول کو صاف اور سرسبز بنانے کے لیے دو طرفہ تعاون کے آغاز کی علامت کے دور پر پودا بھی لگایا۔
اس موقع پر البرکہ بینک اور یونیورسٹی کے درمیان جاری اور مستقبل کے باہمی تعاون کے منصوبوں کے بارے میں بھی بات چیت ہوئی۔
مزید برآں، وفد نے فیصل مسجد کا دورہ کہا، اس کے فن تعمیر میں گہری دلچسپی ظاہر کی اور وہاں ہونے والی قرآن کلاسز کے طریقہ کار کے بارے میں بھی دریافت کیا۔
دونوں اداروں نے دورے کے نتائج پر اطمینان کا اظہار کیا اور مستقبل میں تعاون کو مزید بڑھانے کے عزم کا اعادہ کیا۔