اسلام آباد (سٹاف رپورٹر) دنیا میں بنائے گئے پہلے ٹورسٹ سٹی یعنی بلیو ورلڈ سٹی نے اہلِ غزہ و فلسطین کے ساتھ اظہارِ یکجہتی اور بیت المقدس کی اسلامی و تاریخی اہمیت کو اُجاگر کرنے کے لیے الاقصیٰ میوزیم کا سنگِ بنیاد رکھ دیا۔ اس حوالے سے بلیو ورلڈ سٹی سائٹ پر منعقدہ تقریب میں غزہ میں جاری اسرائیلی مظالم کی اندوہناک حقیقت شرکاء کے سامنے رکھی گئی اور مظلوم فلسطینی بہن بھائیوں کے لیے آواز بلندکرکے قبلہء اول کی آزادی اور اتحادِ اُمت کا پیغام دیا گیا۔ بلیوورلڈ سٹی مینجمنٹ کا کہنا ہے کہ پاکستان کے عوام غزہ کےمحصور اور مظلوم مسلمان بھائیوں کے ساتھ کھڑے ہیں۔ الاقصیٰ میوزیم کی تعمیر فلسطین کے مظلوم مسلمانوں کے حق میں آواز اٹھانے کے اسباب پیدا کرنے کی ایک کاوش ہے ! ہم نہیں جانتے کہ اس عمل پر ہمارا رب ہم سے راضی ہو گا یا نہیں، یا اس کے ثمرات کس قدر پُر اثر ہوں گے لیکن اگر ہم نے اس اُمت کو جگانے اور متحد کرنے کیلئے ابھی بھی کچھ نہ کیا تو نہ اس دنیا میں ہماری کوئی شناخت رہے گی اور نہ روزِ محشر ہمارے وجود اور اعمال کی کوئی حیثیت ہو گی۔تقریب کے شرکاء نے بلیو ورلڈ سٹی کی جانب سے اہل فلسطین کیلئے آواز بلند کرنے اور بیت المقدس کی اہمیت اجاگر کرنے کو نہ صرف سراہا بلکہ بلیو ورلڈ سٹی میں الاقصیٰ میوزیم کے سنگ بنیا د کو عالمی سطح کی اہم ترین کاوش قرار دیا۔