اسلام آباد(سٹاف رپورٹر)چیئرمین نیشنل ہائی وے اتھارٹی ارشد مجید مہمند کی خصوصی ہدایات پر کھلی کچہری کے انعقاد کا سلسلہ جاری ہے۔آج کی کھلی کچہری میں ملک کے مختلف شہروں سے بے شمار لوگوں کے سوالات کے فیس بک پیج کے ذریعے این ایچ اے کے ممبر پبلک پرائیویٹ پارٹنر شپ(PPP) محمد نوید اقبال واہلہ نے اطمینان بخش جوابات دے کر سوال کنندگان کو ہر لحاظ سے مطمئن کیا۔اس موقع پر ممبر انجنیئرنگ کوارڈ نسیم خٹک اور متعلقہ حکام بھی موجود تھے۔بعض سوال کنندگان سے التماس کیا گیا کہ وہ طویل تر قومی شاہراہوں کے ان مخصوص حصوں کی نشاندہی کیا کریں جو یقینا قابل توجہ ہیں اور جن کی تعمیرومرمت اشد ضروری ہے۔بعض شاہراہوں کی تعمیر کے حوالہ سے عوام الناس کو بتایا گیا کہ ان شاہراہوں کے بتا ئے اراضی کے حصول کا عمل جو مکمل ہوچکاہے۔تعمیری کام بھی جلد شروع کردیا جائے گا۔انہوں نے بتایا کہ لیہ۔تونسہ پراجیکٹ کا پل مکمل ہوچکا ہے۔اب لنک روڈ کی تعمیر ماہ ستمبر میں شروع کر دی جائے گی۔انہوں نے سوال کنندگان کو یقین دلایا کہ این ایچ اے ملک بھر میں موٹرویز اور قومی شاہراہوں کی تعمیر اور متاثرہ سڑکوں کی مرمت ترجیحی بنیادوں پر کر رہی ہے۔تاہم بعض اوقات مالی مشکلات کا بھی سامنا رہتاہے،جس کی وجہ سے تعمیری عمل کچھ تعطل کا شکار رہتا ہے۔انہوں نے نشاندہی کئے جانے والے تعمیری و مرمتی کاموں کی بروقت تعمیر و مرمت کا بھی یقین دلایا۔ممبر پی پی پی محمد نوید اقبال واہلہ نے عوام و خواص پر زور دیا کہ وہ ملک میں جاری شدید بارشوں کے باعث موسمی تبدیلی پر گہری نظر رکھیں اور سفر کیلئے نکلتے وقت پہلے مذکورہ شاہراہ پر ٹریفک کی تازہ ترین صورت حال سے ضرورآگاہی لیں تاکہ کسی تردد یا پریشانی سے دوچار نہ ہونا پرڑے۔