اسلام آباد ( سٹاف رپورٹر ) چیئرمین مجلس وحدت مسلمین پاکستان سینیٹر علامہ راجہ ناصر عباس جعفری نے چلاس کے قریب بس حادثہ میں بیس سے زائد قیمتی انسانی جانوں کے ضیاع پر دلی افسوس کا اظہار کرتے ہوئے واقعے کو المناک سانحہ قرار دیا ہے، انہوں نے دکھ کی اس گھڑی میں سوگوار خاندانوں سے دلی ہمدردی کا اظہار کرتے ہوئے جاں بحق ہونے والے افراد کی بلندی درجات اور زخمیوں کی جلد صحت یابی کے لیے دعا کی ہے، گلگت بلتستان کی حکومت زخمیوں کو بہترین اور مطلوبہ طبی سہولیات کی فراہمی کو یقینی بنائے، راولپنڈی اور گلگت بلتستان کے درمیان ہر سال ٹریفک حادثات کے متعدد واقعات رونما ہوتے ہیں جن کی بنیادی وجہ مرکزی شاہراہ اور گاڑیوں کی غیر تسلی بخش حالت ہے، ذمہ دار اداروں کی عدم توجہی اور چشم پوشی ایسے دل سوز واقعات کی بنیاد اور وجہ بنتی ہے، ان مسائل کا ترجیح بنیادوں پر خاتمہ بے حد ضروری ہے تاکہ آئندہ ان جان لیوا واقعات سے عوام کو محفوظ رکھا جا سکے۔