اسلام آباد:پارلیمنٹری رپورٹرز ایسوسی ایشن پاکستان کے اجلاس میں کئے گئے فیصلوں کی روشنی میں صدر پی آر اے عثمان خان، سیکرٹری نوید اکبر سمیت باڈی اراکین کی ڈی جی میڈیا ظفر سلطان اور قومی اسمبلی کے دیگر اعلی حکام سے تفصیلی بات چیت ہوئی ، مزاکرات کے نتیجہ میں اسپیکر قومی اسمبلی سردارایاز صادق نے پارلیمنٹ ہاوس میں داخلے اور میڈیا کوریج سے متعلق پی آر اے پاکستان کے خدشات کو تسلیم کرتے ہوئے نئے جاری کردہ ایس او پیز میں آرٹیکل 3 کو واپس لے لیا اور گیٹ نمبر ون پر میڈیا؛ کوریج کا سلسلہ بحال کردیا گیا.
سیکرٹری نوید اکبر چوہدری اور نائب صدر احمد نواز خان نے پی آر اے کی طرف سے آج اسمبلی سیکرٹریٹ کے متعلقہ حکام کے ساتھ موقع پر جاکر مندرجہ زیل طے شدہ امور کا جائزہ لیا
1- پی آر اے گیٹ ون پر ڈیوٹی پر مامور کیمرامین اور رپورٹرز سے توقع رکھتی ہے کہ وہ سیکیورٹی پر مامور عملے سے بھرپور تعاون کریں گے،
2-ایس او پیز پر عملدرآمد کو ہر حال میں یقینی بنایا جایے گا.
3-ریڈ کارپٹ پر کوئی بھی میڈیا کا نمائندہ یا ویڈیو جرنلسٹ کیمرہ یا مائیک لے کر نہیں آئیں گے اور مخصوص جگہ جو ریڈ کارپٹ کوریڈور کے دائیں بائیں ہے اس تک محدود رہیں گے۔
4-پارلیمنٹ ہاوس کے اندر ساٹس کے لئے جگہیں مخصوص کرنے کے معاملہ پر پی آر اے قیادت اپنی تجاویز دے گی،
5-بلڈنگ کے اندر کوریج کے رولز طے ہونے تک لفٹ کے سامنے، لفٹ کے اندر اور تنگ راہداریوں میں ارکان پارلیمان سے موقف یا کسی قسم کی ویڈیو کوریج فی الحال نہیں کی جا سکے گی.