اسلام آباد(نیوز ڈیسک) الیکشن کمیشن آف پاکستان نے اکبر ایس بابر کی پی ٹی آئی انٹراپارٹی انتخابات دوبارہ کرانے کی استدعا مسترد کر دی۔

تفصیلات کے مطابق چیف الیکشن کمشنر سکندر سلطان راجہ کی سربراہی میں 5 رکنی کمیشن پی ٹی آئی انٹرا پارٹی الیکشن کے خلاف درخواستوں پر الیکشن کمیشن آف پاکستان میں سماعت ہوئی، انٹرا پارٹی کیخلاف 14 درخواست گزار الیکشن کمیشن کے سامنے پیش ہوئے۔

درخواست گزار اکبر ایس بابر کے وکیل علی حسن کے دلائل دیتے ہوئے کہاکہ انتخابات سے 2روز قبل الیکشن کمیشن تشکیل دیاجاتا ہے،کوئی ووٹرز فہرست تشکیل نہیں دی جاتی اور 2دن بعد انتخابات کراتے ہیں،ممبر خیبرپختونخوا نے اکبر ایس بابر کےوکیل کو جھاڑ پلا دی۔

ممبر خیبرپختونخوا نے  استفسار کیا کہ آئین کے آرٹیکل 5میں کیا کہا ہے؟

وکیل اکبر ایس بابر نےکہاکہ اس کا مطلب کہ بند کمرے میں الیکشن کرادیں۔

ممبر خیبرپختونخوا نے کہاکہ یہاں سنجیدہ بات کریں، مذاق نہ کریں۔

اکبرایس بابر نےپی ٹی آئی کے نومنتخب اراکین کو معطل کرنے کی استدعا کرتے ہوئے کہا کہ ہم مرکزی سیکرٹریٹ گئے تو وہاں کسی نے تعاون نہیں کیا،ہمارے پاس ویڈیو ثبوت ہے کہ کاغذات نامزدگی لینے گئے، کسی کو کچھ پتہ نہیں تھا،کاغذات نامزدگی ملے، نہ سکروٹنی اورنہ ہی فائنل لسٹ لگی۔

مزید پڑھیں: سائفرکیس عمران خان کوالیکشن سےباہررکھنےکی کوشش ہے،بابراعوان

کمیشن نے استفسار کیا کہ پہلی ویڈیو جو آپ نے چلائی اس کی کیا ضرورت تھی،اس کا مطلب ہے آپ کو شق تھا کہ وہ آپ کو کنسیڈر نہیں کریں گے؟دوسری ویڈیو کہاں کی ہے اس میں کیا دیکھانے کی کوشش کر رہے ہیں؟