گوجرنوالہ(سٹاف رپورٹر) سزا یافتہ بھگوڑے مجرم عادل راجہ کے خلاف گوجرانوالہ میں پاکستان عوامی لیگ نےریلی نکالی۔پاکستان کے غداروں کے خلاف ریلی میں سینکڑوں موٹر سائیکل، گاڑیاں شریک ہوئی۔ ریلی میں مجرم عادل راجہ کو پاکستان لا کر جیل میں ڈالنے کے نعرےلگائے گئے۔ریلی میںعادل راجہ، حیدر مہدی کے کورٹ مارشل کا خیر مقدم کیا گیا۔ عادل راجہ کے خلاف ریلی پنڈی بائی پاس سے گوندلانوالہ، جی ٹی روڈ تک نکالی گئی۔مظاہرین نے مطالبہ کرتے ہوئےکہا کہ پاک فوج کے خلاف بکواس کرنے والوں کا ہر سطح پر محاسبہ کیا جائے۔

چیئرمین پاکستان عوامی لیگ چوہدری ناصر نے کہاکہ پاکستان کو آج سب سے بڑا نقصان جھوٹی خبروں، پراپیگنڈے، سازشی عناصر نے پہنچایا ہے۔غداروں میں سب میں سرفہرست آج کا سب سے بڑا غدار عادل راجہ ہے۔یہ شخص ڈالر لے کر اپنے ملک، اداروں پر حملہ آور ہے۔یہ انڈین ایجنٹ ہماری فوج اور عوام میں نفرت پیدا کرنے کی سازش میں مصروف ہےلیکن میں بتا دینا چاہتا ہوں پاکستان کے عوام اس ناپاک سازش کو کبھی کامیاب نہیں ہونے دیں گے۔پاکستان عوامی لیگ نے فیصلہ کیا ہے عادل راجہ اور اس جیسے گھٹیا کرداروں کو منہ توڑ جواب دیں گے۔عادل راجہ اور حیدر مہدی کا کورٹ مارشل ہونا بہت اچھا ہے۔غداروں کو انٹرپول کے ذریعے پاکستان لا کر جیل میں ڈالا جائے اور نشان عبرت بنایا جائے ۔ مظاہرین نے مطالبہ کرتے ہوئے کہا کہ ہم دنیا سے مطالبہ کرتے ہیں کہ پاکستان کے سزا یافتہ قومی مجرموں کو سوشل میڈیا پر بھونکنے کی اجازت نہ دی جائے۔جب تک غداروں کو سزا نہیں ملے گی۔ پاکستان عوامی لیگ ملک گیر مہم جاری رکھے گی۔پاکستان کے عوام کی آنکھیں کھل چکی ہیں۔ ہم ان غداروں کو اچھی طرح پہچان چکے ہیں۔اب پاکستان کے ہر شہر میں ان جھوٹوں،منافقوں، قومی مجرموں کے خلاف مہم چلائیں گے۔ مقررین نے کہا کہعادل راجہ اور ان جیسے پورے ٹولے کا جرم ناقابل معافی ہے۔چیئرمین پاکستان عوامی لیگ نے کہا کہ ہم آج کی اس ریلی میں غزہ کے مظلوم فلسطینیوں اور بھارتی جبر کے شکار مظلوم کشمیریوں سے اظہار یکجہتی بھی کرتے ہیں۔

مزید پڑھیں: یوٹیوبرعادل راجہ، حیدر رضامہدی کا کورٹ مارشل: 14 سال قیدبامشقت کی سزا