پاکستانی شوبز انڈسٹری کی سپراسٹارماہرہ خان گزشتہ روز اپنے دیرینہ دوست بزنس ٹائیکون سلیم کریم کے ساتھ رشتہ ازدواج میں بندھ گئیں۔ اداکارہ کی مینیجرانوشے طلحہ نے اپنے سوشل میڈیا اکاؤنٹ انسٹاگرام پرماہرہ کی شادی کی ویڈیو شئیرکرتے ہوئے مداحوں تک یہ خوشخبری پہنچائی۔

وائرل ویڈیو میں اداکارہ کو اس خاص دن کیلئے سفید رنگ کے بھاری کامدار آئیوری لہنگے میں دیکھا جاسکتا ہے۔
ماہرہ خان کا یہ خوبصورت لہنگا پاکستان کے مقبول ترین اور ٹاپ ڈیزائنر فراز منان کا تیار کردہ ہے، تاہم اس کے دوپٹے اور چولی کے ڈیزائن میں تبدیلیاں دیکھی جاسکتی ہیں۔دلکش آئیوری لہنگے کی قیمت بھی تاحال سامنے نہیں آئی، لیکن فراز منان کا تیار کردہ یہ لباس لاکھوں سے کم ہرگز نہیں، ڈیزائنرپاکستان کے علاوہ بھارت میں بھی یکساں مقبول ہیں۔

سلیم کریم نے بھی سفید شیروانی زیب تن کی۔
مری میں کی جانے والی شادی کی اس تقریب میں ’وائٹش تھیم‘ کو فالو کیا گیا ہے۔
سوشل میڈیا پر اداکارہ کی شادی کی ویڈیوز وائرل ہوتے ہی مداحوں کی جانب سے ان کیلئے دعاؤں اور نیک تمناؤں کا ایک نہ ختم ہونے والا سلسلہ شروع ہوگی رواں برس اگست کے مہینے میں ہی یہ خبر سامنے آئی تھی کہ اداکارہ ماہرہ خان آئندہ ماہ شادی کے بندھن میں بندھ جائیں گی۔تاہم اس خبر کے بعد ماہرہ خان کی مینیجر اور ٹیم کی رکن انوشے طلحہٰ خان نے ان رپورٹس کو غیر ذمہ دارانہ صحافت قرار دیا تھا۔

ماہرہ خان نے 2007 میں علی عسکری سے پہلی شادی کی تھی جو 2015 تک ہی چل سکی، 2009 میں ان کے یہاں بیٹے اذلان عسکری کی پیدائش ہوئی تھی۔
واضح رہے کہ دوسال پہلے ماہرہ خان نے انسٹا پرایک پوسٹ شیئرکی تھی جس میں انہوں نے اپنے دوست سلیم کریم سے محبت کا اظہار کیا تھا۔

This is so beautiful MashaAllah @TheMahiraKhan 🤩

Sending heartfelt congratulations to the lovely couple on their wedding

Wishing Mahira Khan & Salim Karim a lifetime of love, happiness, & beautiful moments🤍#MahiraKhan #SalimKarim pic.twitter.com/g9LQyrepbY

— Khadija (@khadijatweets_) October 1, 2023