اسلام آباد: پاکستان نیشنل کونسل آف دی آرٹس میں شام موسیسقی کے عنوان سے میوزک پروگرام کا انعقاد کیا گیا۔ ڈی جی پاکستان نیشنل کونسل آف دی آرٹس ایوب جمالی اور دیگر ڈائریکٹرز بھی اس موقع پر موجود تھے۔پی این سی اے میں منعقد ہونے والے اس یادگار پروگرام میں شہریوں کی بڑی تعداد نے شرکت کی۔ڈی جی پی این سی اے ایوب جمالی اس موقع پر مہمان خصوصی تھے جنہوں نے پاکستانی ہنرمندوں کی کارکردگی پر انہیں زبردست خراج تحسین پیش کیا۔ نسیم علی صدیقی, ثنا نعمت ,فہیم ساجد رافعہ بانو سمیت دیگر فنکار شامل تھے جنہوں نے اپنی پرفارمنس سے حاضرین کو خوب متاثر کیا ۔دو گھنٹوں تک جاری رہنے والے اس ثقافتی شو کا بنیادی مقصد پاکستان کی ثقافت اور صوفیانا کلام سے حاضرین کو اشنا کرنا تھا تقریب میں شامل فنکاروں نے پاکستان کے مقبول ترین کلاموں کی دھنیں پیش کیں۔اللہ ہو اللہ ہو کی دھن انتہائی خوبصورتی سے پیش کی گئی جبکہ یار کو ہم نے جابجا دیکھا نے سبھی حاضرین محفل کو جھومنے پر مجبور کر دیا۔پی این سی اے کے نیشنل پرفارمنگ گروپ نے ڈانس پیش کیا جیسے حاضرین نے خوب سراہا اس موقع پر ڈی جی پاکستان نیشنل کونسل آف دی آرٹس ایوب جمالی کا کہنا تھا کہ موسیقی کی اہمیت سے انکار نہیں کیا جا سکتا یہی وجہ ہے کہ انہوں نے شام موسیقی کی پرفارمنس منعقد کی تاکہ اسلام اباد کے شہریوں کو بھی تفریح کے مواقع میسر آئیں۔ڈی جی ایوب جمالی کا کہنا تھا کہ میوزکل پروگرام پی این سی اے کا ایک اہم حصہ ہے۔ یہ فنکاروں ،گلوکاروں اور میوزیشنز کو اپنی مہارتوں کو پیش کرنے اور ان کی موسیقی اور رقص کا اشتراک کرنے کا ایک خوشگوار طریقہ فراہم کرتا ہے۔ پرفارم کرنے والے گروپس اپنی موسیقی/رقص کی سرگرمیوں ، کو پرفارم کرنے اور رقص کو دوسرے طلباء کو سکھانے کے ساتھ ایک سماجی پہلو فراہم کرتے ہیں۔ ان کا کہنا تھا کہ پی این سی اے کا ادارہ موسیقی اور رقص کے طلباء کو اپنی فنکارانہ اور تخلیقی صلاحیتوں کو فروغ دینے کے قابل بناتا ہے۔ یہ طالب علموں کو سیکھنے کے مواقع فراہم کرتا ہے اور ان کے فن کی ترقی میں معاونت فراہم کرتا ہے۔