کراچی: پی ایس ایل سیزن 9 کی ٹرافی کے لیے میدان آج سجے گا جس میں جیتنے والی ٹیم کو ٹرافی کے علاوہ نقد انعامی رقم بھی دی جائے گی۔

تفصیلات کے مطابق پی ایس ایل سیزن 9 کے فائنل میں پہنچنے والی دونوں ٹیموں اور کھلاڑیوں میں 20 کروڑ روپے کی انعامی رقم تقسیم کی جائے گی۔

فاتح ٹیم کو چمچماتی ٹرافی کے ساتھ 12 کروڑ روپے انعام دیا جائے گا، جبکہ رنر اپ ٹیم کو 4 کروڑ 80 لاکھ روپے انعام دیا جائے گا۔

ٹورنامنٹ کے بہترین کھلاڑی کو ٹرافی کے ساتھ 40 لاکھ روپے ملیں گے، اور ٹورنامنٹ کے بہترین بلے باز کو پچاس لاکھ روپے انعام ملے گا۔

پی ایس ایل سینز 9 ٹورنامنٹ کے بہترین بولر کے لیے بھی 50 لاکھ روپے انعام رکھا گیا ہے۔

ایونٹ کے بہترین وکٹ کیپر کے لیے بھی 50 لاکھ روپے انعام رکھا گیا ہے۔

پی ایس ایل سیزن 9 میں سپرٹ اف ٹورنامنٹ اور امرجنگ پلیر آف ٹورنامنٹ کو 40،40 لاکھ روپے انعام دیا جائے گا۔

فائنل کے بہترین کھلاڑی کو بھی پانچ لاکھ روپیہ انعام دیا جائے گا۔

پاکستان سپر لیگ کا فائنل آج ملتان سلطانز اور اسلام آباد یونائٹڈ کے درمیان نیشنل اسٹیڈیم کراچی میں ہوگا۔