اسلام آباد(سپورٹس رپورٹر )اذلان شاہ کپ میں قومی ہاکی ٹیم کی مسلسل بہترین کارکردگی میرٹ پر سلیکشن کا منہ بولتا ثبوت ہے۔ان خیالات کا اظہار رانامشہود احمد خاں نے کیا۔وزیراعظم شہباز شریف کی بروقت توجہ سے ہاکی ٹیم کی سلیکشن کا معاملہ حل ہوا ہے۔ ہاکی ٹیم ہماری توقعات پر پورا اتر رہی ہے۔جنوبی کوریا کے خلاف ہماری ٹیم نے شاندار کھیل کا مظاہرہ کیا ہےہمارے نوجوان کھلاڑیوں نے ہمارے سر فخر سے بلند کر دئے ہیں۔ قومی ہاکی ٹیم ایک نئی ٹیم ہے اور اسے ہماری سپورٹ کی ضرورت ہے۔ تمام قوم کو ہمارے ہاکی کے کھلاڑیوں کی حوصلہ افزائی کر نی چاہیے۔