اسلام آباد(محمد حسین )یوتھ ورلڈ چیمپئن عثمان وزیر نے اپنی 13ویں انٹرنیشل فائٹ کا اعلان کر دیا۔فائٹ 27 جون کو بنکاک تھائی لینڈ میں ہوگی اس بار عثمان وزیر کا مقابلہ مصری حریف سے ہوگا اب تک عثمان وزیر اپنی تمام 12 فائٹ جیت کر ناقابل شکست ہیں ۔عثمان وزیر ورلڈ یوتھ ٹائٹل،ایشین ٹائٹل اور مڈل ایسٹ ٹائٹل جیت چکےہیں.وہ 13ویں فائٹ کے لئے بھرپور ٹرینگ کر رہے ہیں۔عثمان وزیر نے کہا میں نے اس فائٹ  کے لیے زبردست محنت کی ہے قوم میری کامیابی کی دعا کرے.ایشین ٹائٹل، مڈل ایسٹ  اور ورلڈیوتھ ٹائٹل بھی جیت کر پاکستان اور گلگت بلتستان کا نام روشن کیا۔آج تک کوئی پاکستانی باکسر یہ ٹائٹل نہیں جیت سکا ۔فائٹ کی خوشی ہے لیکن وعدہ کے باوجود حکومت کی سپورٹ نہ ملنے کا افسوس بھی ہے۔اب مجھے اپنی فائٹ کے لیے پرائیویٹ اسپانسرز پر انحصار کرنا پڑے گا۔