اسلام آباد(محمد حسین ) ال اسلام آباد جونیئر فل کانٹیکٹ مارشل آرٹس چیمپئن شپ میگا زون F-9 اسلام آباد اختتام پذیر ہو گئی تقریب کا اہتمام اسلام آباد اسپورٹس بورڈ نے فل کانٹیکٹ مارشل آرٹس اسلام آباد کے تعاون سے کیا ۔مقامی مارشل آرٹس کلبوں کے لڑکوں اور لڑکیوں نے بھر پور شرکت کی۔ لڑائی کی مہارت اور لگن کا مظاہرہ کیا گیا۔ مہمان خصوصی ڈائریکٹر سپورٹس بورڈ اینڈ ڈویلپمنٹ افس اف کمشنر اسلام اباد میڈم بشریٰ اقبال راؤ، اسپورٹس سکریٹری چوہدری محمد افضل اور ایسوسی ایٹ سکریٹری رمضان قصوری نے شرکت کی۔

میزبان گرینڈ ماسٹر مزمل محبوب اور مس شیموک تھی۔غیر معمولی ہنر اور عزم کا مظاہرہ کرنے پر تماشائیوں نے خوب داد دی ۔مہمان خصوصی نے ٹرافیاں، تمغے اور نقد انعامات نوازا اور کہا اسلام آباد اسپورٹس بورڈ نے نہ صرف مارشل آرٹس بلکہ اسلام آباد میں تمام کھیلوں کو فروغ دینے کے لیے ایک جامع منصوبہ تیار کرنے کے عزم کا اعادہ کیا ہےاس منصوبے کا مقصد کھیلوں کو قومی اور بین الاقوامی سطح پر بلند کرنا، ایک صحت مند معاشرے کو فروغ دینا اور کھیلوں کے عالمی میدان میں پاکستان کی ساکھ کو بڑھانا ہے۔