اسلام آباد(محمد حسین )نیشنل ویمنز کلب فٹبال کلب چیمپئن شپ 2024 کے آخری مرحلے کے پہلے روز 2 میچوں کا فیصلہ ہوا۔ کراچی یونائیٹڈ نے افتتاحی میچ میں ہزارہ کوئٹہ ویمن کو 4-0 سے شکست دی۔ کراچی کی جانب سے سارہ نے 12ویں، 52ویں اور 68ویں منٹ میں تین گول کر کے اپنی شاندار صلاحیتوں کا مظاہرہ کیا۔ چوتھا گول اون گول رہا۔ دوسرے میچ میں کراچی سٹی ایف سی نے ٹی ڈبلیو کے کو 6-0 سے شکست دی۔ کراچی سٹی کی جانب زہمینہ نے دو گول جبکہ نادیہ، رامین، سوہا اور زلفیہ نے ایک ایک گول کر کے اپنی ٹیم کو فیصلہ کن فتح دلائی۔