اسلام آباد(محمد حسین ) جناح اسپورٹس کمپلیکس، اسلام آباد میں فائنل مرحلہ مکمل ہو گیا۔ لیگیسی ایف سی نے ٹی ڈبلیو کے کو 3-0 سے شکست دے کر سیمی فائنل میں جگہ بنا لی۔ ایمن، کائنات اور علینا نے ایک ایک گول کیا۔ آخری گروپ میچ میں، ہزارہ کوئٹہ ایف سی نے ہائی لینڈرز ایف سی کو 2-1 سے شکست دے کر فتح اپنے نام کی۔ ہزارہ کی جانب سے فرشتہ اور صادقہ گول اسکورر رہیں جبکہ ہائی لینڈرز کی جانب سے واحد گول سوسان نے کیا۔

نیشنل ویمن فٹبال کلب چیمپئن شپ 2024 کے پہلے سیمی فائنل میں کراچی یونائیٹڈ اور لیگیسی ڈبلیو ایف کی ٹیمیں شام 5:30 بجے آمنے سامنے ہوں گی دوسرے سیمی فائنل میں کراچی سٹی ایف سی کا مقابلہ ہزارہ کوئٹہ ڈبلیو ایف سی سے رات 8:30 بجے ہوگا۔ دونوں میچز 8 اگست (جمعرات) کو جناح فٹبال اسٹیڈیم، اسلام آباد میں ہونگے۔