اسلام آباد (محمد حسین ) سکواش کے عا لمی چیمپین اورلگاتار دس سال نمبر 1 رہنے والے کھلاڑی جان شیر خان ستارہ امتیاز، ہلال امتیاز ، نشان امتیاز نے گزشتہ روز اسلام آباد کے مقامی ہسپتال سے اپنے دونوں گھٹنوں کا کامیاب آپریشن پرڈاکٹر دوستوں رشتے داروں کا شکرییہ ادا کیا جنہوں نے میرے لیے خصوصی دُعائیں  اور پیغامات بھیجے۔اس موقع پر جان شیر خان نے کہا کے تقریبا ایک سال سے مجھے نماز، واک، اور سکواش کھیلتے وقت دونوں گھٹنے میں شدید درد ہوتا تھا جیسے برداشت کرتا رہا۔درد ناقابل برداشت ہونے پر ڈاکڑوں نے جلد سے جلد آپریشن کروانے کو کہا جس کی وجہ سے آپریشن کرانا پڑا آپریشن نہ کرانے سے مزید مشکلات کا سامنا کرنا پڑتا پاکستان میں بہت قابل اور اچھے ڈاکر ہے جس کی وجہ سے میں نے اپنا علاج اپنے ملک میں کرانےکو ترجیع دی میں بہت خوشی اور تندرستی محسوس کر رہا ہوں۔ جان شیر خان کا مزید کہنا تھا کے سکواش کے میدان میں دس سال تک پاکستان کا نام روشن کرنا میرے لیے فخر کی بات تھی۔ دس سال نمبر1رہنا اور ریکارڈ ٹائٹل اپنے نام کرنے کیلے میں دن رات محنت کرتا جس کے وجہ سے اپنی صحت کو مکمل ٹائم نہ دے سکا جسکی وجہ سے میرے گھٹنوں اور کمر میں پرابلم ہوئی۔جان شیر خان نے مزید کہا کے میں آج کے ینگ پلیرز کو ایڈوایز کرونگا کے اپنی ٹریننگ سمیت اپنے گھٹنوں اور کمر کا خصوصی خیال رکھیں اور چھوٹے سے چھوٹے درد کو سنجیدہ لیں۔

بروقت علاج سے بڑے مسائل سے بجا جا سکتاہے ۔جان شیر خان نے وزیر اعظم جناب محمد شہباز شریف، جناب میاں محمد نواز شریف، پاک آرمی اور پاکستان ایرفورس کا خصوصی شکریہ ادا کیا اور بتایا وزیر اعظم جناب محمد شہباز شریف، جناب میاں محمد نواز شریف نے میرے بیماری کافوری علاج کروانے کی منظوری دی۔انہوں نے ہمیشہ میری مدد، رہنمائی اور حوصلہ افزائ کی ۔میں جب 90 کی دہائی میں ورلڈ چمپین بنا تو تب بھی جناب محمد شہباز شریف اور جناب میاں محمد نواز شریف نےخصوصی طور پر لاہور بلا کرحوصلہ افزائ کی اور اب ریٹائرمنٹ کے بعد بھی نہ بھولے اور نہ مجھے اکیلے چھوڑا اور ہر قسم کی مدد اور رہنمائی سے نوازا میں جناب محمد شہباز شریف اور جناب میاں محمد نواز شریف کا تہہ دل سے شکریہ ادا کرتا ہوں۔