اسلام آباد(محمد حسین ) منظور الحسن ہاکی اسٹیڈیم آرینا سپورٹس ڈی ایچ اے لاہور میں نماشی ہاکی میچ ڈی ایچ اے ہاکی اکیڈمی لاہور اور رچنا سپورٹس ہاکی کلب گکھڑ منڈی گوجرانوالہ کے درمیان کھیلا گیا جو 4-4 گول سے برابر رہا۔ سابق اولمپیئن ورلڈ چیمپئن شہباز احمد سینئر محمد عرفان سنیر اولمپئن سابق ہاکی پلیر محمد جعفر آف دوبی کرنل عمر صابر محمد مشتاق کوچ پاکستان وومن ہاکی ٹیم بھی موجود تھے اور دونوں ٹیموں کے کھلاڑیوں کے اچھے کھیل کامظاہرہ کیا۔

رچنا سپورٹس ہاکی کلب گکھڑ منڈی گوجرانوالہ کے کوچ سابق اولمپیئن گولڈ میڈلسٹ خالد حمید اور ٹیم مینجر عامر رفیق بٹ صدر رچنا سپورٹس ہاکی کلب گکھڑ منڈی گوجرانوالہ تھے جبکہ ڈی ایچ اے ہاکی اکیڈمی لاہور کے کوچ سابق اولمپیئن گولڈ میڈلسٹ منظور الحسن ہیں جو پاکستان ہاکی ٹیم کے سابق کوچ رہ چکے ہیں۔اور دیوار چین کے نام سے ہاکی دنیا میں جانے جاتے ہیں۔