اسلام آباد (آئی ایم ایم)دورۂ آسٹریلین اور زمبابوے کے لیے پاکستان کرکٹ اسکواڈ کا اعلان۔پی سی بی چیئرمین محسن نقوی وائٹ بال کپتان کا اعلان اتوار کو سہ پہرساڑھے تین بجے لاہور میں میڈیا کانفرنس میں کریں گے۔بابر اعظم ، نسیم شاہ، اور شاہین شاہ آفریدی آسٹریلیا کے میچوں کے لیے ٹیم میں شامل ہیں تاہم انہیں دورہ زمبابوے کے لیے آرام دیا جائے گا۔ سلیکٹرز نے آئی سی سی چیمپئنز ٹرافی کے دفاع کے لیے اپنی حکمت عملی کے حصے کے طور پر دونوں دوروں میں ڈومیسٹک کرکٹ پرفارمرز کو بھی اسکواڈ میں شامل کیا ہے۔
زمبابوے کے دورے کے لیے ڈومیسٹک کرکٹ کے پرفارمرز کو زیادہ اہمیت دی گئی ہے۔پاکستان ٹیم آسٹریلیا میں تین ون ڈے اور تین ٹی ٹوئنٹی انٹرنیشنل کھیلے گی۔دورۂ زمبابوے میں بھی تین ون ڈے اور تین ٹی ٹوئنٹی انٹرنیشنل کھیلے جائیں گے۔محمد رضوان آسٹریلیا کے تمام میچز اور زمبابوے میں ون ڈے میچوں میں دستیاب ہونگے۔
