ٹوکیو( ویب ڈیسک ) جاپان ائیر لائن کے طیارے کی لینڈنگ کے وقت کوسٹ گارڈز کے طیارے سے ٹکر، 367 مسافر سوار تھے ۔ ہوائی جہاز کو آگ لگ گئی ۔5افراد ہلاک ہوگئے ۔

رپورٹ کے مطابق ٹوکیو ائیر پورٹ پر جاپان ائر لائن کا مسافر طیارہ کھڑے کوسٹ گارڈز کے طیارے ٹکرا گیا جس کے بعد بڑا  دھماکا سنا گیا اور جاپان ائیر لائن کے طیارے کو آگ لگ گئی ۔

کچھ مسافروں کو معمولی چوٹیں آئی ہیں جبکہ معجزانہ طور پر جاپان ائیر لائن کے طیارے کے   تمام مسافروں کو بخیریت اتار لیا گیا، کوسٹ گارڈز کا طیارہ آتشزدگی کے بعد تباہ ہوگیا    رپورٹ کےمطابق دوسرے طیارے میں سوار 5 کوسٹ گارڈز ہلاک ہوگئے ۔  جبکہ کیپٹن شدیدزخمی ہوگیا جس کی حالت نازک بتائی جارہی ہے۔

مزید پڑھیں: 2024میں جاپان سے روانہ مسافر 2023میں امریکہ پہنچے

زخمی مسافروں کو اسپتال داخل کرادیا گیا ہے جبکہ حادثے کی انکوائری کی جارہی ہے کہ حادثہ پائلٹ کی غلطی سے پیش آیا یا ائیر ٹریفک کنٹرول اس کا ذمہ دار ہے ؟