شمال مغربی سعودی عرب میں بسائے جانے والے نئے شہر نیوم میں ”لیجا“ کے زیرِ عنوان تین مقامات پر مشتمل سیاحتی مرکز کے منصوبے کی ”نقاب کشائی“ کی ہے۔

اس نئے سیاحتی مرکز میں عالمی شہرت یافتہ ماہرینِ تعمیرات کے ڈیزائن کیے ہوئے تین ہوٹل شامل ہیں۔ ”لیجا“ کا علاقہ 400 میٹر اونچے پہاڑوں میں گھری ہوئی ایک قدیم وادی کا حصہ ہے۔

نوتعمیر شدہ ہوٹل کرس وان ڈوئن، شون کِلا اور ماریو کوسینیلا کے ڈیزائن کیے ہوئے ہیں۔ ان تینوں ہوٹلوں کی تعمیر کا بنیادی مقصد سعوی عرب میں بین الاقوامی سیاحت کو تیزی سے فروغ دینا ہے۔

سعودی حکومت نے نیوم شہر کو مکمل سیاحتی مرکز میں تبدیل کے لیے سعودی وژن 20230 کے تحت کام تیز کردیا ہے۔ نیا یہ سیاحتی مرکز بھی اسی عالی شان منصوبے کا حصہ ہے۔

فطری ماحول کو برقرار رکھنے کی خاطر لیجا کی 95 فیصد زمین انسانوں کی آمد و رفت سے محفوظ رہے گی۔

تینوں ہوٹل مجموعی طور پر 120 بوتیک رومز کے حامل ہوں گے۔ ان ہوٹلوں کی ڈیزائننگ میں فطرت سے ہم آہنگی کا بھرپور خیال رکھا گیا ہے۔ سیاحوں کو یہاں پہاڑوں، وادیوں اور نخلستان کی سیر کے ساتھ ساتھ فطرت سے بھرپور ہم آہنگ ہونے کا موقع بھی ملے گا۔

سعودی عرب کی حکومت نے بین الاقوامی سیاحتی مرکز نیوم کی توسیع تیز کردی ہے۔ اس شہر پر سعودی حکومت مجموعی طور پر 500 ارب ڈالر کی سرمایہ کاری کر رہی ہے۔ یہ منصوبہ ولی عہد محمد بن سلمان کی ذاتی دلچسپی کا مظہر ہے جو ملک کو سیاحت اور تفریح دونوں شعبوں کے حوالے سے غیر معمولی مقام دلانے کی کوشش کر رہے ہیں۔

نیوم اور اسی قسم کے دیگر منصوبے سعودی عرب کے لیے مستقبل میں، جب تیل سے ہونے والی آمدن کا گراف گرے گا، خطیر زرِ مبادلہ کا حصول آسان بنانے کے لیے ہیں۔ سعودی عرب نے حال ہی میں تفریح اور سیاحت کے شعبوں کے ساتھ کھیلوں میں بھی غیر معمولی سرمایہ کاری کی ہے۔

دنیا بھر کے بڑے فٹبالرز کی خدمات حاصل کرکے سعودی لیگ کو مضبوط کیا جارہا ہے تاکہ وہ عالمی سطح پر اپنی اہمیت منواسکے۔

سعودی عرب سے معاہدے کرنے والوں میں پرتگال سے تعلق رکھنے والے فٹبال سپر اسٹار کرسچیانوں رونالڈو بھی شامل ہیں۔