لندن (ویب ڈیسک ) رطانیہ کے بادشاہ شہزادہ چارلس کو کینسر کی تشخیص ہو ئی ہے۔
بکنگھم پیلس کے ایک بیان کے مطابق شہزادہ چارلس کو کینسر کی ایک قسم کی تشخیص ہوئی ہے۔بکنگھم پیلس نے کہا ہے کہ شہزادہ چارلس اپنا علاج کرانے کے بعد جلد از جلد فرائض کی انجام دہی کے لیے تیار ہیں۔
بیان میں کہا گیا ہے کہ شہزادہ چارلس اپنے علاج کے دوران عوامی مصروفیات ختم کر دیں گے۔ اس دوران یہ توقع کی جا رہی ہے کہ شاہی خاندان کے دیگر افراد ان کے علاج کے دوران ان کی جگہ خدمات انجام دیں گے۔شہزادہ چارلس کو کینسر کی کس قسم کی تشخیص ہوئی ہے اور اسٹیج کون سا ہے اس حوالے سے مزید تفصیلات ابھی سامنے نہیں آئیں۔
شہزادہ چارلس اپنے علاج کے دوران عوامی مصروفیات تو ختم کر دیں گے لیکن ریاست کے سربراہ کے طور پر ان کا آئینی کردار جاری رہے گا۔بتایا جا رہا ہے کہ تقریباً ایک ہفتہ قبل لندن کے ایک اسپتال میں ان کا پروسٹیٹ کا پروسیجر ہوا تھا۔ اور اُس وقت یہ کہا گیا تھا کہ بادشاہ نے اس لیے عوامی سطح پر یہ بتانے کا فیصلہ کیا ہے کہ زیادہ سے زیادہ مرد پروسٹیٹ کا چیک کروائیں۔
