لاہور: :پنجاب کابینہ تشکیل دےدی گئی ،آج حلف اٹھائے گی۔

تفصیلات کےمطابق آج گورنر ہاؤس میں پنجاب کابینہ کی تقریب حلف برداری ہوگی۔ گورنر پنجاب محمد بلیغ الرحمن سہ پہر 4 بجے پنجاب کابینہ سے حلف لیں گے۔

ذرائع کےمطابق وزراکی فہرست کیبنٹ ونگ کو وصول ہو گئی ہےکیبنٹ ونگ گورنر ہاؤس سے وزرا کے ناموں کا سرکاری طور پر بھیجنے جانے کا منتظر ہے۔

ذرائع کےمطابق ن لیگ کی قیادت نےپنجاب کا بینہ کی تشکیل کو حتمی شکل دے دی ،پنجاب کابینہ 25 رکنی ہونے کا امکان ہے،مریم اورنگزیب کو پلاننگ اینڈ ڈویلپمنٹ موسمیات اور جنگلات کی وزارت دئیے جانے کا امکان، میاں مجتبیٰ شجاع الرحمن کو ایکسائز اینڈ ٹیکنیشن کی وزارت ملے گی۔

ذرائع کےمطابق بلال یاسین کو محکمہ خوراک ، قاسم پیرزادہ کو اریگیشن،عظمیٰ بخاری کو اطلاعات و نشریات،رانا سکندر حیات کو پرائمری ایجوکیشن کاقلمدان ملےگا۔

ذرائع کےمطابق خواجہ عمران نذیر کو پرائمری ہیلتھ،خواجہ سلمان رفیق کو سپیشلایزڈ ہیلتھ اور عاشق کرمانی زراعت،خلیل طاہر سندھو انسانی حقوق،رامیش اروڑہ اقلیتی امور،فیصل کھوکھر اسپورٹس،ذیشان رفیق بلدیات کےوزیرہونگے۔

ذرائع کےمطابق سہیل بھرت مواصلات اور چوہدری شافع حسین کو بزنس اینڈ انڈسٹری،شیر علی گورچانی مائنز اینڈ منرل کے عہدے دے دئیےجائیں گے۔

ذرائع کےمطابقپرویز رشید کو معاون خصوصی، صہیب برتھ،عمار احمد لغاری، سلمان نعیم، رانا سکندر حیات سمیت دیگر بھی کابینہ کا حصہ ہونگے۔