گوجرانوالہ(سٹاف رپورٹر) پاکستان تحریک انصاف کی مرکزی صدر وومن ونگ محترمہ کنول شوذب کی میزبانی میں کے پی کے ہا ئوس اسلام آباد میں یوم خواتین کے سلسلے میں منعقدہ تقریب میں گوجرانوالہ سے پاکستان تحریک انصاف کی رہنما سابق ایم پی اے نیئر مرتضی لون کی ٹیم جن میں شمع ،رفعت اور انور سلطانہ کی ڈاکٹر مصبح ظفر جنرل سیکرٹری پنجاب کی قیادت میں شرکت ۔ تقریب میں ملک بھر سے پاکستان تحریک انصاف کی ورکرز اور عہدے داران نے شرکت کی۔ تقریب کا آغاز اللہ تعالی کے بابرکت نام سے کیا گیا ۔ صدر کراچی فضہ ذیشان نے حمد باری تعالی اور شہلا نیازی نے نعت رسول مقبول پیش کی۔ مرکزی جنرل سیکرٹری محترمہ روبینہ شاہین نے صدر مجلس کی اجازت سے تقریب کا آغاز کیا۔ تقریب کے آغاز میں ان تمام خواتین کو خراج تحسین پیش کیا گیا جو نو مئی 2023 کے بعد پابند سلاسل رہیں۔ قید میں رہنے والی خواتین کی نمائندگی کرتے ہوئے طیبہ راجا نے خواتین سے خطاب کیا۔ پابند سلاسل رہنے والی خواتین میں طیبہ راجا کے علاوہ روحینہ خان، فرزانہ خان، سمیہ اسد، فہمیدہ بی بی ، فرح ملک ، اور دیگر موجود تھیں۔ ان خواتین کو وومن ونگ کی جانب سے اعزازی شیلڈ پیش کی گئی ۔ کنول شوذب صاحبہ نے وکلا کے کردار کو بھی سراہا ۔شرکا نے خواتین کی جدوجہد کے حوالے سے اظہار خیال کیا اور نظمیں پیش کیں۔ ریجنل اور ضلعی صدور و جنرل سیکرٹریز کو شیلڈز اور دیگر عہدے داران کو سرٹیفیکیٹ دیے گئے۔ شرکا نے پی ٹی آئی ، عمران خان کے مشن میں خواتین کی شمولیت کے حق میں نعرہ بازی کی۔ کنول شوذب نے خطاب کرتے ہوئے نو مئی کے بعد خواتین کی جدوجہد کو خراج تحسین پیش کیا ۔سنٹرل پنجاب ریجن کی گورننگ باڈی سے صدر شہناز خان ، جنرل سیکرٹری ڈاکٹر مصباح ظفر ، سمیرا عابد ، رضوانہ اقتدار ، نادرہ عمر ، رخسانہ رضا، راحیلہ کوثر، غزالہ رفیق نے بھرپور شرکت کی۔ ضلعی صدور میں سے لاہور ، شیخوپورہ ، قصور ، سیالکوٹ ، حافظ آباد ، گجرات، منڈی بہاوالدین جبکہ گوجرانوالہ سے پاکستان تحریک انصاف کی سینئر رہنما سابق ایم پی اے نیئر مرتضی لون کی ٹیم بھی شریک ہوئی۔