گوجرانوالہ۔(سٹاف رپورٹر) الائیڈ سکول ابراہیم جونیئر کیمپس کشمیر روڈ پیپلز کالونی کے سالانہ سپورٹس گالا کا انعقاد ۔ ننھے طلبہ و طالبات نے مختلف کھیلوں میں حصہ لیا ۔ بینڈ پرفارمنس اور مارچ پاسٹ کا مظاہرہ بھی کیا گیا ۔الائیڈ سکول تعلیمی سرگرمیوں کے ساتھ ساتھ غیر نصابی سرگرمیوں میں بھی پیش پیش۔ تقریب میں ڈپٹی ڈی او ایلیمنٹری اعجاز گورائیہ، ڈپٹی ایجوکیشن آفیسر محمد شبیر بھٹی، الائیڈ سکول کے ڈائریکٹر ز ملک طارق احسان، شیخ زبیر سعید،سلمان طارق،رحمان طارق ،اساتذہ والدین اور بچوں کی شرکت۔ تقریب کے آغاز میں باقاعدہ فیتہ کاٹ کر سالانہ سپورٹس گالا کا افتتاح کیا گیا۔ ادارہ کے ڈائریکٹر ملک طارق احسان نے اپنی لکھی ہوئی نعت شریف پڑھ کر سماں باندھ دیا ، سپورٹس گالا میں بینڈ پرفارمنس اور مارچ پاسٹ کا شاندار مظاہرہ کیا گیا بچوں کی پی ٹی اور دوڑ رسہ کشی ، بوری ریس، کراٹے و دیگر کھیلوں کے مقابلے ہوئے، بچوں نے شاندار سبق آموز و ثقافتی ٹیبلو بھی پیش کئے جس میں بچوں نے پہلی، دوسری اور تیسری پوزیشن حاصل کی۔ سپورٹس گالا میں موجود والدین نے ان کھیلوں کو سراہا۔ملک طارق احسان کا کہنا تھا کہ والدین اپنے بچوں کی طرح مستحق بچوں کا بھی خیال رکھیں۔ بچوں کو پیار بانٹنا سکھائیں، غیر نصابی سرگرمیاں بھی ضروری ہیں۔ ڈپٹی ڈی او ایلیمنٹری اعجاز گورائیہ، ڈپٹی ایجوکیشن آفیسر محمد شبیر بھٹی، الائیڈ سکول کے ڈائریکٹر ز ملک طارق احسان، شیخ زبیر سعید،سلمان طارق،رحمان طارق نے خطاب کرتے ہوئے کہا کہ طلبہ و طالبات کو دوران تعلیم کھیلوں اور ہم نصابی سرگرمیوں میں بھی حصہ لینا چاہیئے ۔ کھیلوں کے فروغ اور صحت مندانہ سر گر میوں کا دائرہ وسیع کر کے ہم ایک بہتر ین اور مضبو ط قو م تشکیل دے سکتے ہیں۔ تعمیری مثبت اور خو شگوار سر گر میاں نو جوان نسل کی ذہنی صلا حیتوں کو جلا بخشتی ہیںاور ان کی کردار سازی میںمعا ون ثا بت ہوتی ہیں۔ ڈائریکٹر ملک طارق احسان نے کہا کہ شرح خواندگی میں اضافے اور فروغ تعلیم کے لئے الائیڈ سکول ابراہیم جونیئر کیمپس کی خدمات نمایاں ہیںادارہ کی پرنسپل نے شرکا ء تقریب کاشکریہ اد کیا اور اس عز م کااعادہ کیاکہ الائیڈ سکول ابراہیم جونیئر کیمپس کشمیر روڈ پیپلز کالونی اس طرح کے پروگراموں کے انعقاد میں پیش پیش رہے گا۔سپورٹس گالا میں شریک طلبہ و طالبات کا کہنا تھا کہ فیملی کے ساتھ خوب انجوائے کیا ۔ سپورٹس ڈے میں بہترین پرفارمنس کا مظاہرہ کرنے والے بچوں میں انعامات بھی تقسیم کیے گئے ۔
کھیلوں کے فروغ اور صحت مندانہ سر گر میوں کا دائرہ وسیع کر کے ہم ایک بہتر ین اور مضبو ط قو م تشکیل دے سکتے ہیں،ملک طارق احسان
