گوجرانوالہ(سٹاف رپورٹر)نیو واسا لیبر یونین سی بی اے کا ایک ہنگامی اجلاس منعقد ہوا جس سابق صدر جہانزیب ارشاد چٹھہ ، صدر سہیل سہوترا ،جنرل سیکرٹری رانا توقیر حسین،سینئر نائب صدر طارق وسیم ڈار و دیگر عہدیداروں نے شرکت کی اجلاس سے خطاب کرتے ہوئے یونین عہدیداروں نے آل سنٹری ورکرز یونین سی بی اے رجسٹرڈ میونسپل کارپوریشن گوجرانوالہ ویسٹ مینجمنٹ کمپنی کے صدر آصف یوسف مسیح پر آپریشن مینجر GWMC زین العابدین کی طرف سے احاطہ عدالت میں غنڈہ گردی ،تشدد کی شدید الفاظ میں مذمت کی ہے اور کہا ہے کہ بیسوں غنڈوں نے جس طرح آصف یوسف مسیح پر حملہ کیا ہے نا قابل برداشت ہے ۔ انہوں نے مطالبہ کیا ہے کہ غنڈہ گردی کرنے والے آپریشن مینجر GWMC زین العابدین کو فوری طور پر گرفتار کرکے نوکری سے برطرف کیا جائے اور اس کے بھائی اور دیگر حملہ کرنے والے مسلح افراد کو فوری گرفتار کرکیفر کردار تک پہنچایا جائے تاکہ آئندہ آئندہ کوئی غنڈہ عناصر ایسی حرکت نہ کرسکے ۔انہوں نے کہا کہ پاکستانی مسیحی محب وطن شہری ہیں جن کی پاکستان کی تعمیروترقی کے لئے خدمت کسی سے ڈھکی چھپی نہیں ۔نیو واسا لیبر یونین سی بی اے سمیت دیگر شہر بھر کی تمام سرکاری پرائیویٹ ادروں کی لیبر تنظیمیں آل سنٹری ورکرز یونین سی بی اے میونسپل کارپوریشن گوجرانوالہ ویسٹ مینجمنٹ کمپنی کے صدر آصف یوسف مسیح کے ساتھ ہیں آپریشن مینجر GWMC زین العابدین و دیگرملزمان گرفتار نہ ہوئے تو نیو واسا لیبر یونین سی بی اے بھی شدید احتجاج اور ہڑتال کردے گی۔جس کی تمام تر ذمہ داری انتظامیہ پر ہوگی۔علاوہ ازیں نیو واسا لیبر یونین سی بی اے کے عہدیداروں نے یہ بھی مطالبہ کیا ہے کہ گوجرانوالہ ویسٹ مینجمنٹ کمپنیGWMC سے نکالے گئے 36سینٹری ورکرز کو فوری طور پر بحال کیا جائے ۔اس موقع پر نیو واسا لیبر یونین سی بی اے کے تمام عہدیداران اور ممبران کی کثیر تعداد بھی موجود تھی۔