گوجرانوالہ(سٹاف رپورٹر)انجمن طلبا اسلام ضلع گوجرانوالہ کی طرف سے افطار ڈنر کا اہتمام جامع مسجد دارالاسلام عالم چوک میں کیا گیا جبکہ اس موقع پر اے ٹی آئی سٹی گوجرانوالہ کے الیکشن کا انعقاد بھی کیا گیا ،الیکشن کی صدارت ناظم ضلع محمد حسن قذافی اور حافظ حسان رضا کی نگرانی میں ہوئے جس میں کثرت رائے سے ناظم اے ٹی آئی دائود مصطفی مہر جبکہ رانا علی کو جنرل سیکرٹری انجمن طلبا اسلام سٹی گوجرانوالہ منتخب کیا گیا ،افطار ڈنر سے نائب ناظم اے ٹی آئی پنجاب محسن علی اور جنرل سیکرٹری ڈویژن گوجرانوالہ چوہدری احمد شہزاد گھمن نے اپنے خیالات کا اظہار کرتے ہوئے کہا کہ روزے ہم پر فرض کئیے گئے ہیں ، اور روزے اللہ تعالی کی طرف سے مسلمانوں کیلئے بہت سی نعمتیں لیکر آتے ہیں ، روزہ رکھنے سے ہمارے جسم کی کئی بیماریاں دور ہوتی ہیں ، روزہ افطار کروانا اچھا اور نیک عمل ہے ،اس موقع پر سابق ناظم اے ٹی آئی پنجاب محمد راشد مغل ، شازب چٹھہ ، ملک منیب اور ڈاکٹر احمد نورانی نے بھی کارکنان سے خطاب کرتے ہوئے کہا کہ اے ٹی آئی کی ضلعی قیادت کے ساتھ کھڑے ہیں اور ہر مشکل گھڑی میں ساتھ نبھانے کا وعدہ کرتے ہیں ، انھوں نے کہا کہ انجمن طلبا اسلام کے دستور سے بڑھ کر کچھ نہیں ہم ہر صورت دستور کی پاسداری کریں گے ، ان کا کہنا تھا کہ بڑی تعداد میں کارکنان کا آنا اپنی قیادت پر اعتماد کا اظہار کرنا ہے اور آج کارکنان کا جوش جذبہ دیکھ کر ہمیں بھی اپنا زمانہ طالبعلمی یاد آرہا ہے ، مقررین نے نو منتخب عہدیداران کے بھی ساتھ چلنے کا عزم کیا اور زمہ داران کو مزید مثبت کوششوں سے آگے بڑھنے کا بھی پیغام دیا آخر پر ناظم پروگرام ابوبکر آصف بٹ نے کارکنوں کا شکریہ ادا کرتے ہوئے کہا عشقِ مصطفی کا پیغام لیکر ہر نوجوان کی دہلیز پر جائیں گے اور اس سیشن میں مثالی کردار ادا کریں گے ابوبکر آصف بٹ نے آخر پر نعرہ لگایا انجمن کا ہر سپاہی مصطفائی مصطفائی۔