اسلام آباد ( سٹاف رپورٹر ) آل پاکستان انجمن تاجران اور ٹریڈرز ایکشن کمیٹی اسلام آباد کے صدر اجمل بلوچ ۔ سیکرٹری و کنونیئر ٹریڈرز کمیٹی آئی سی سی آئی خالد چوہدری – جناح سپر مارکیٹ کے صدر اسد عزیز – آئی ایٹ مرکز کے صدر راجہ فیاض گل – بلیو ایریا کے صدر راجہ حسن اختر – سپر مارکیٹ کے صدر شہزاد عباسی – ستارہ مارکیٹ کے صدر سید الطاف شاہ نے کہا ھے کہ ملک میں جاری مہنگائی کے طوفان کی ذمہ دار حکومت خود ہے ۔ بجلی – پٹرول – گیس اور دیگر ٹیکسز حکومت بڑھاتی ہے۔ لیکن چھوٹے چھوٹے گلی محلے کے دکانداروں کو بھاری جرمانے کئے جاتے ہیں ۔ کلاس تھری شاپنگ سینٹرز میں ایک ہی روز میں لاکھوں روپے جرمانے کئے گئے ۔ بھاری جرمانوں سے کیا مہنگائی کا خاتمہ ہو جائے گا ۔ دکاندار طبقہ جرمانوں کی رقم اپنی جیب سے ادا نہیں کرتا بلکہ کسی نہ کسی طریقے سے گاہکوں سے وصول کرنا ہوتا ہے۔
انہوں نے مزید کہا فوڈ اتھارٹی ایکٹ آف پارلیمنٹ کے تحت تشکیل دی گئی۔ جس کا ایگزیکٹو بورڈ ابھی تک نامکمل ہے اور نہ ہی رولز بنائے گئے ہیں۔ ابھی تک اپنی لیبارٹی بنانے میں بھی ناکام ھے۔ فوڈ اتھارٹی کی طرف سے کھانے پینے کی اشیاء کی کوالٹی چیک کرنے کی تحسین پیش کرتے ہیں۔ لیکن کسی بھی انسپکٹر کو دکانیں سیل کرنے کا اختیار نہیں مجسٹریٹ کی موجودگی ضروری ہے۔ انہوں نے چیف کمشنر کیپٹن ریٹائرڈ انوار الحق سے کہا ہے کہ وہ صورتحال کا نوٹس ہیں ۔