اسلام آباد( وسیم بٹ) نیشنل ٹیکنالوجی کونسل کی11ویں اجلاس میں قراقرم انٹرنیشنل یونیورسٹی کے وائس چانسلر پروفیسر ڈاکٹر عطاء اللہ شاہ نے شرکت کی۔شعبہ تعلقات عامہ کے آئی یو کے مطابق اجلاس میں وائس چانسلر کے آئی یو کے ہمراہ NTC کے دیگر تمام ممبر ان نے شرکت کی۔اجلاس میں افتتاحی کلمات پیش کرتے ہوئے، چیئر مین ایچ ای سی پروفیسر ڈاکٹر مختار احمد نے قومی ترقی میںٹیکنالوجسٹ اور تکنیکی ماہرین کی اہمیت پر روشنی ڈالی اور روزگار مہیا کرنے کی مہارتوں پر تربیت فراہم کرنے پر زور دیا۔ انہوں نے اجلاس کے ممبران کو بتایا کہ اس وقت جرمنی اور مشرق وسطیٰ میں بڑی تعداد میںٹیکنالوجسٹ اور تکنیکی ماہرین کی ضرورت ہے جو کہ ملک کے انجینئرنگ اور ٹیکنالوجی کے اداروں کے لیے ہنر مند اور تکنیکی انسانی وسائل تیار کرنے کا ایک بہترین موقع ہے تاکہ دنیا کے تقاضوں اور توقعات کو پورا کیا جا سکے۔ انہوںنے مزید کہاکہ این ٹی سی کو ٹیکنولوجسٹ اور تکنیکی ماہرین کو سیکھنے کے بہتر مواقع فراہم کرنے کے لیے رہنمائی کا کردار ادا کرنا چاہیے۔ انہوں نے ملک میں ٹیکنالوجی پروگراموں کی سٹریم لائن کرنے میں NTC کے کردار کو سراہا۔ انجینئرنگ اور ٹیکنالوجی کے شعبوں سے وابستہ افراد کوایک دوسرے کا مقابلہ کرنے کی بجائے ایک دوسرے کی تکمیل کے لیے شانہ بشانہ کام کرنا کی تاکید کی۔اس سے قبل چیئر این ٹی سی انجینئر امتیاز گیلانی نے ممبران کو خوش آمدید کہا اور ان کی مسلسل حمایت کو سراہا ۔ یاد رہے کہ اجلاس میں ٹیکنولوجسٹ ایجوکیشن اینڈ پریکٹس سے متعلق ایجنڈا، این ٹی سی ایکٹ، بی ایس ٹیکنالوجی پروگرامز کی ایکریڈیشن، سڈنی ایکارڈ کے تحت پاکستانی ٹیکنالوجسٹ کی ایکریڈیشن پروگرامز کا جائزہ لینے کے عمل اور اگلے سال کے پلان پر تبادلہ خیال کیا گیا۔ این ٹی سی پاکستان میں ٹیکنالوجی کی تعلیم کے لیے ایک ریگولیٹری ادارہ ہے۔ اجلاس میں وائس چانسلر کے آئی یو نے بتایاکہ اس وقت جامعہ قراقرم میں فی الحال دوبی ایس ٹیکنالوجی پروگرام پیش کر رہا ہے جو کہ NTC سے منظور شدہ ہیں۔

کے آئی یو کی نومنتخب اکیڈمک اسٹاف ایسوسی ایشن (ASA)کے صدر وکابینہ کی تقریب حلف برداری، آئی یو سینٹ کی رکن ڈاکٹر عفت ستارہ نے حلف لیا۔
نومنتخب صدر وکابینہ کا جامعہ و فیکلٹی کی ترقی کے لیے بھرپور کردار ادا کرنے کے عزم کا اظہار کیا ۔
قراقرم انٹرنیشنل یونیورسٹی اکیڈمک اسٹاف ایسوسی ایشن (ASA)کے منتخب صدر وکابینہ کے عہدیداروں نے اپنے عہدوں کا حلف اٹھا لیا۔تفصیلات کے مطابق اکیڈمک اسٹاف ایسوسی ایشن کے انتخابات میںکامیاب ہونے والے صدر ڈاکٹر محمد اسماعیل اور ان کے کابینہ کی حلف برداری کی تقریب جامعہ کے مشرف ہال میں منعقد ہوئی ۔تقریب میں یونیورسٹی کے سینٹ کے ممبر ڈاکٹر افتخار احمد،سینٹ کی رکن ڈاکٹر عفت ستارہ،ڈینز ،ڈائریکٹرز سمیت یونیورسٹی کے دیگر فیکلٹی ممبران اور سٹاف نے شرکت کی۔ تقریب حلف برادری میں نومنتخب صدر و ان کی کابینہ سے کے آئی یو سینٹ کی رکن داکتر عفت ستارہ نے حلف لیا۔تقریب سے خطاب کرتے ہوئے سینٹ کے ممبر ڈاکٹر افتخار احمد،سینٹ کی رکن ڈاکٹر عفت ستارہ نے کامیاب انداز میں الیکشن کرانے پر الیکشن کمشنر سمیت آسا کے تمام ممبران کو مبارک باد پیش کیا۔ آسا کے نومنتخب صدر ڈاکٹر محمد اسماعیل نے اپنی تقریر میں تمام فیکلٹی ممبران کا شکریہ ادا کیااور فیکلٹی کے حقوق سمیت جامعہ کی تعمیرو ترقی کے لیے اپنے تمام تر صلاحیتوں کو بروکار لانے کے عزم کا اظہار کیااور جس امید وتوقع کے ساتھ صدر منتخب کیاہے ۔اپنی کابینہ کے ہمراہ ان امیدوں کو پورا کرنے کی بھرپور کوشش کرنے کا اعلان کیا۔انہوںنے کہاکہ فیکلٹی اور مینجمنٹ اسٹاف کے درمیان مضبوط رابطے کے ذریعے جامعہ کو درپیش مشکلات کو حل کریں گے۔