قرآن پاک آخرت میں ان کی نجات کا ذریعہ ہوگا ۔مولانا ناصر محمود سلفی ، مولانا عتیق الرحمن خلیق، مولانا محمد عارف اثری ، مولانا عبدالسلام زاھد ودیگر کا تکمیل قرآن کی تقریب سے خطاب
گوجرانوالہ(سٹاف رپورٹر)قرآنی تعلیمات پر عمل کرنا ہر مسلمان کے لئے دنیا و آخرت میں سرخروئی کا باعث ہے وہ والدین بہت خوش قسمت ہیں جن کی اولاد اللہ پاک کے کلام کو اپنے سینوں میں محفوظ کرتی ہے اور یہی قرآن پاک آخرت میں ان کی نجات کا ذریعہ ہوگا یہ بات جامع مسجد ابوذر اہلحدیث نوشہرہ روڈ نوید کالونی گلہ کوہلو والہ میں تکمیل قرآن کے پر مسرت موقع پر رہنما جمعیت اہلحدیث پاکستان مولانا ناصر محمود سلفی ، مولانا عتیق الرحمن خلیق، مولانا محمد عارف اثری ، شیخ الحدیث مولانا عبدالسلام زاھد ، ملک محمد الیاس صدر مسجد ، بابو محمد عرفان نائب صدر مسجد، مولانا قاری ثاقب منیر مولانا قاری احمد بھٹہ، ڈاکٹر عبدالرحمان قمر ودیگر نے خطاب کرتے ہوئے کہی ،انہوں نے کہا کہ مادیت کے اس دور میں قرآن پاک ہی وہ واحد کتاب ہے جس کے بتائے ہوئے راستوں پر عمل کرکے ہم پرسکون زندگی گزار سکتے ہیں ۔ انہوں نے مزید کہا کہ قرآن مجید تمام علوم حقیقی کا منبع ہدایت کا سر چشمہ ہے ضرورت اس امر کی ہے ہم قرآن کے ذریعے دین، ذات باری تعالی سے اپنے تعلق کو مضبوط اور مستحکم کریں اسی میں ہماری دنیا و آخرت کی کامیابی ہے۔اس موقع پر مقررین نے خطاب کرتے ہوئے کہا کہ فلسطینیوں پر اسرائیل کی جانب سے مظالم انتہائی افسوس ناک ہیں اور مسلسل ان مظالم پر مسلم ممالک اور دیگر ذمہ دار اداروں کی خاموشی سمجھ سے بالا تر ہے اسرائیل کو مزید اس قسم کے مظالم سے روکنے کیلئے مثر اقدامات کی ضرورت ہے وقت آگیا ہے کہ مسلمان ممالک قدم بڑھائیں اور فلسطین وکشمیر سمیت دنیا بھر میں مسلمانوں کے دفاع کیلئے راہ ہموار کریں اقوام متحدہ اس عالمی دہشت گرد اسرائیل کو نہتے فلسطینیوں پر ظلم وستم سے روکے ۔ مقررین نے کہا فلسطین میں بے گناہ شہریوں کاقتل عام تاریخ کا ظلم ہے اس پر اقوام متحدہ اور سلامتی کونسل کو فوری طور پر ایکشن لینا چاہیے تاکہ بے گناہ فلسطینیوں کا فتل عام بند ہو غزہ میں اسرائیلی فوج نے دہشت اور بربریت کا بازار گرم کیا ہوا وہ ختم ہو اسلامی ممالک اسر ائیلی جارحیت خلاف مضبوط اور مشترکہ موقف اپنائیں۔۔ بیت المقدس کا تحفظ ہمارا ایمان ہے۔۔قبلہ اول پر اسرائیلی جارحیت ناقابل برداشت فلسطینیوں پر اسرائیلی دہشتگردی کی مذمت کرتے ہیں اقوام متحدہ کی خاموشی افسوسناک ہے عالم اسلام کو کفار کی شازشوں کے خلاف متحد ہوکر مقابلہ کرناہوگا ۔ نے کہا کا تمام مسلم ممالک متحد ہوکر فلسطینیوں پر ہونیوالے مظالم کا جواب دیں اسرائیل نے جو بربادی فلسطین میں جاری کی ہوئی ہے تمام مسلم ممالک ان پر ایکشن لیتے ہوئے بھرپور جواب دیں ۔ قبلہ اول پر اسرائیلی جارحیت ناقابل برداشت فلسطینیوں پر اسرائیلی دہشتگردیکی مذمت کرتے ہیں اقوام متحدہ کی خاموشی افسوسناک ہے عالم اسلام کو کفار کی شازشوں کے خلاف متحد ہوکر مقابلہ کرناہوگاانشا اللہ بہت جلد فلسطینیوں کو اسرائیل کے جبر سے نجات ملے گی۔مقررین نے مسجد کے مدرسہ میں بچوں کو قرآن پاک کی تعلیم کے لئے مولانا عتیق الرحمان خلیق،ملک محمد الیاس صدر مسجد ، بابو محمد عرفان نائب صدر مسجد، امام مسجدقاری ثاقب منیر و دیگر انتظامیہ مسجد کی خدمات کو سراہا ۔