گوجرانوالہ( سٹاف رپورٹر )علامہ عزیز الدین کوکب چشتی گولڑوی ،پیر مفتی محمد رضا المصطفیٰ ظریف القادری زیر سرپرستی علامہ محمد حنیف چشتی جامعہ چشتیہ رضویہ ضیاء القرآن راہوالی کے زیر اہتمام منعقدہ 49واںجلسہ دستار فضیلت و تقسیم اسناد و انعامات سے خطاب کرتے ہوئے کہا کہ اسلام سب سے بڑا دین اور قرآن پاک سب سے بڑی مقدس کتاب ہے اسلام سلامتی و امن کا دین ہے جو ہمیں بھائی چارے اخوت ہمدردی کا درس دیتا ہے جبکہ قرآن پاک زندگی کے تمام شعبوں کی راہنمائی کرتا ہے دین اسلام کے اصول ،قرآنی تعلیمات ہمارے لیے مشعل راہ ہیں اسلام اور قرآن سے محبت کرنے والے ہمیشہ عزت پاتے ہیں اور جو مرکر بھی زندہ رہتے ہیں لیکن بدقسمتی سے آج ہم اسلام کے اصولوں اور قرآن کی تعلیمات سے دوری اختیار کر چکے ہیںجبکہ اسلام دشمن قوتیں چاہتی ہیں کہ دین اسلام سے وابستہ مسلم قومیں دنیا میں ناکام ہوں اس لیے ہمیں اسلام اور قرآن کا دامن ہرگز نہیں چھوڑنا چاہیے اور ان اسلام دشمن قوتوں کا ڈٹ کو مقابلہ کرنا ہو گا۔انہوںنے کہاکہ قیامت کے روز حافط قرآن کا چہرہ روشن و چمکتاہوگا اوراپنے والدین کی بخشش کا سبب بنے گاقیامت کے روز حافط قرآن کوسنہری لباس اوروالدین کو سونے کاتاج پہنایاجائیگاقرآن محبت کرنے وا لوںکی شفاعت کرائے گاانہوں نے کہاکہ قرآن سرچشمہ ہدایت اور مقدس کتاب ہے جس میں زندگی کے تمام شعبوںکیلئے را ہنما ئی حاصل کی جاسکتی ہے فخراقرآء قاری فقیر محمد مسعودی نے تلاوت کلام پاک کا شرف حاصل کیا جبکہ انکے علاوہ علامہ عبدالحمید چشتی، علامہ قاری محمد امین چشتی ،محمد عطاء المصطفی ٰ چشتی، پروفیسر شبیر حسین چشتی ،علامہ ضیاء المرتضیٰ چشتی ،صاحبزادہ محمد فاروق چشتی،پروفیسر حافظ بلال سعید چشتی و دیگران نے بھی خطاب کیا جبکہ آخر پر خوش نصیب 215طلباء طالبات میں انعامات و اسناد تقسیم کیں گئیں اور دستار بندی کی گئی۔