گوجرانوالہ(سٹاف رپورٹر )تنظیم مغلیہ پاکستان رجسٹرڈ گوجرانوالہ کے زیر اہتمام صدر محمد لقمان کھوکھر اور جنرل سیکرٹری عبدالقدیر مغل کی قیادت میں مغل ویلفیئر میڈیکل کیمپلکس جی ٹی روڈ میں میں فری میڈیکل کیمپ کا انعقاد کیا گیا ۔جس میں سینئر ڈاکٹرز نے مریضوں کا چیک کیا ۔فی الٹر سائونڈ اور فری ادویات دی گئیں ۔اس موقع پر تنظیم مغلیہ کے عہدیداروں قائد برادری محمد ارشد مغل،سرپرست اعلیٰ محمد عمر مغل ،چیئرمین محمد شبیر حسین مغل،سیکرٹری اطلاعات محمد ظہیر مغل سمیت دیگر شخصیات نے فری میڈیکل کیمپ کا دورہ کیا۔ اس موقع پر ممبران مجلس شوری و عہدیدار بھی موجود تھے.میڈیکل کیمپ کے موقع پر صدر تنظیم مغلیہ محمد لقمان کھوکھر نے اظہار خیال کرتے ہوئے کہا کہ دنیا میں خدمت خلق کر نے والے انسان اللہ اور اس کے رسول ۖ کو بہت پیارے لگتے ہیں،جس نے دنیا میں ایک مجبور انسان کی جان بچائی اس نے پوری انسانیت کی جان بچائی مخلوق خدا کی خدمت ہی انسانیت کی معراج ہے، دکھی انسانیت کی خدمت عین عبادت ہے ۔انہوں نے کہا کہ ہم سب کو دکھی اور بیمار انسانیت کے دکھوں کا مداواکرنا چاہئے مہنگائی کے بڑھتے ہوئے عفریت میں فری میڈیکل کیمپس کو فروغ دینے کے لئے ہمیں مل جل کر عملی اقدامات کا مظاہرہ کرنا ہوگا تاکہ مہنگائی کی چکی میں پسی ہوئی عوام کو فری طبی سہولتوں کی فراہمی ہو ۔ جنرل سیکرٹری عبدالقدیر مغل نے کہا کہ موجودہ حالات میں فلاحی تنظیموں کا کردار انتہائی قابل تحسین ہے مخیر حضرات کو چاہیئے کہ ایسی فلاحی تنظیموں کی بھرپور مدد اور معاونت کی جائے تاکہ ہمارا معاشرہ خاص طور پر محروم طبقہ کی بہتری کے لئے ان کی زیادہ سے زیادہ مدد کی جاسکے۔ انہوں نے کہا کہ دکھی انسانیت کی خدمت کرنے والے اور ان کے ممبران ڈاکٹرز کی ہر سطح پر حوصلہ افزائی کی جانی چاہیئے ۔ انہوں نے کہا کہ بہتر ین انسان وہ ہے جو دوسروں کو نفع پہنچائے،ہمارا مذہب بھی ہمیں دوسروں کے لئے ایثار اور قربانی کا درس دیتا ہے ۔ غریب بے سہارا بیمار لوگوں کی تکالیف اور دکھ درد میں شریک ہونا ہمارا اسلامی فریضہ ہے۔فری میڈیکل کیمپ سے سینکڑوں کی تعداد میں مستحق خواتین مردوں اوربچوں نے استفادہ حاصل کیا۔ ماہر ڈاکٹر حافظ عمیر مغل،ڈاکٹر رابعہ عمیر،ڈاکٹر ارشد مغل،ڈاکٹر فرزانہ ارشد،ڈاکٹر خالد مغل و دیگر میڈیکل سٹاف نے مفت چیک اپ کیا۔ اور فری ادویات دی گئیں۔